Me ardhjen e dronëve turq “Bayraktar TB-2” në Kosovë, Forcat e Sigurisë së Kosovës (FSK) dita-ditës janë duke u profesionalizuar si dhe duke u kompletuar edhe me armatim të nevojshëm.
Kështu kanë vlerësuar për Telegrafin njohësit e fushës së sigurisë në vend, Nuredin Ibishi e Avni Islami.
Islami tha se ardhja e dronëve është një lajm i mirë për shtetin e Kosovës.
“Është një lajm i mirë për shtetin e Kosovës si dhe për banorët e Kosovës që ushtria jonë po vjen dita-ditës duke u profesionalizuar. Duke blerë, e duke u kompletuar me armatim dhe logjistikë të nevojshme. Meqenëse FSK-ja është ushtri dhe nuk është një forcë që merret vetëm me shuarjen e zjarreve, me deminime, etj, por sot FSK-ja jo vetëm që është pajisur me dronë, por është pajisur dhe me armë të tjera dhe synimi i saj është anëtarësimi në NATO”, ka thënë Islami.
Ai gjithashtu u shpreh se: “KFOR-i dhe NATO e kontrollojnë hapësirën ajrore, kjo nuk ka asgjë të keqe. Veprimet e FSK-së edhe tash por, edhe në të ardhmen do të jenë të koordinuara me KFOR-in për mbrojtjen e sovranitetit dhe të integritetit territorial të Kosovës. Këtu nuk kemi të bëjmë me divergjenca dhe me mospajtime sepse të njëjtin qëllim e ka dhe FSK-ja por, edhe KFOR-i”.
Islami po ashtu theksoi se dronët Bayraktar mund të jenë multifunksional.
“Varet se për cilat qëllime duhet të përdoren këto dronë. Mund të jenë dronë multifunksional, mund të përdoren për identifikimin, gjurmimin për kalim ilegal të kufirit, e për shumë gjëra të tjera…Besoj që në fillim këto drone mund të përdoren për distanca të largëta, për ruajtjen e kufirit dhe marrjen e informacioneve në mënyrë që institucionet e sigurisë së Kosovës të kenë informacion të mjaftueshëm për lëvizjet ose për dyshimet për lëvizje qoftë p.sh të ushtrisë së Serbisë ose të ndonjë vendi tjetër ose për luftimin e krimit të organizuar”, ka thënë Islami.
Edhe eksperti i sigurisë, Nuredin Ibishi, ka thënë se qasja me dronët apo fluturakët pa pilotë ka treguar një domosdoshmëri që të gjitha forcat e armatosura të fillojnë trajnimet dhe të pajisen me to.
“Duke i pas parasysh ndryshimet në aspektin gjeostrategjik dhe kërcënimet (sidomos lufta në Ukrainë) tregon se ka ndryshuar koncepti në aspekte strategjike. Kështu që qasja me pajisjet siç janë dronët apo fluturakët pa pilotë ka tregu një domosdoshmëri që të gjitha forcat e armatosura të fillojnë trajnimet dhe të pajisen me to”, ka thënë Ibishi.
Ai po ashtu tha se: “FSK në kuadër të planit të tranzicionit dhe ngritjes së kapaciteteve njerëzore teknike dhe teknologjike të pajisjeve me armatim e kanë paraparë dhe janë pajisur me disa dronë Bayraktar të cilat janë modern dhe që janë pajisur dhe vendet anëtare të NATO-s”.
Ibishi po ashtu tha se me anë të këtyre dronëve, Kosova mund t’i shfrytëzojë vetëm brenda territorit dhe jo jashtë saj.
“Për momentin këto pajisje që kanë për qëllim mbrojtjen, mund të përdoren nga vija brenda territorit të Kosovës dhe jo jashtë saj”, ka thënë Ibishi.
Ndryshe, dronët turq “Bayraktar TB-2” tashmë janë në bazat e Forcës së Sigurisë së Kosovës, ndërsa oficerët kosovarë e kanë kryer trajnimin për përdorim.
Lidhur me blerjen e dronëve dhe arritjen e tyre në Kosovë ditë më parë ka shkruar kryeministri Albin Kurti, i cili ka prezantuar disa prej tyre.
Kurti tha se ushtrisë së Kosovës i janë shtuar edhe dronët Bayraktar TB-2 të cilët i kanë blerë si Qeveri nga Turqia.
E lidhur me blerjen e dronëve ka reaguar të hënën KFOR-i. Përmes një komunikate KFOR-i ka deklaruar se ata kanë autoritetin kryesor për hapësirën ajrore mbi Kosovë. /Telegrafi/
Promo
Reklamo këtuLufta Prigozhin - Putin
Më shumëNga Rubrika
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Ambasadori i Finlandës: Anëtarësimi i Kosovës në NATO do të bëhet realitet
Dashtevski: Jemi të përgatitur për zgjedhjet, rezultatet e para do të shpallen para mesnate
Ambasadori i Finlandës: Anëtarësimi i Kosovës në NATO do të bëhet realitet
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
28 vite burgim dhe mbi 50 mijë euro gjobë ndaj shtatë të akuzuarve për kultivimin të bimëve narkotike dhe posedim të marihuanës
'Çmontohet' rrjeti i drogës në Spanjë, 14 të arrestuar përfshirë edhe shqiptarë që transportonin tonelata me kanabis në Evropë
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
Alarmi i Alicia Kearns për Ballkanin, politologët komentojnë deklaratën e deputetes britanike
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit