Drejtori sportiv, Leonardo refuzon të përjashtojë transferimin e Ronaldos ose Messit te PSG

Drejtori sportiv i Paris Saint-Germain, Leonardo ka refuzuar të përjashtojë një lëvizje për Cristiano Ronaldo ose Lionel Messin, por këmbëngul se gjigandët e Ligue 1 nuk janë në bisedime për t’i nënshkruar ata.

Messi do të shohë kontratën e tij të skadojë në fund të sezonit, ndërsa Ronaldo është i kontraktuar me Juventusin deri në qershor 2022, por Zonja e Vjetër mund ta shesë atë për 29 milionë euro në verë.

A mundet PSG të nënshkruajë ndonjërin nga të dy ka qenë pyetja e kahershme e mediave dhe tifozëve?

Lexo po ashtu Cristiano Ronaldo mund të largohet nga Juventusi për një çmim ‘qesharak’

Kësaj pyetje i ka dhënë përgjigje drejtori sportiv i PSG-së, Leonardo.

“PSG gjithmonë monitoron çdo lojtar, çdo lojtar i madh është i lidhur me PSG-në dhe kjo është një gjë e mirë”, ka thënë fillimisht Leonardo për RMC Sport.

“Ne gjithmonë mund të flasim me lojtarë të mëdhenj të cilët dëshirojnë të vijnë dhe kjo është diçka që ne duhet ta vlerësojmë”.

“Sidoqoftë, ne nuk jemi në bisedime për të nënshkruar ndonjë nga të dy”, përfundoi drejtuesi i klubit francez. /Telegrafi/