0Shares

Drejtorët e shkarkuar të Vetëvendosjes në komunën e Prishtinës, përmes një konference për media kanë folur rreth vendimit ndaj tyre nga ana e kryetarit Shpend Ahmeti.

Arben Vitia tashmë ish-drejtor i Shëndetësisë në komunën e Prishtinës, ka thënë se vendimin e Ahmetit për shkarkimin e tyre e kanë marrë vesh përmes deklaratës së Ahmetit në televizion mbrëmë.

“Kryetari përmes një emisioni të incizuar më herët largoj Lëvizjen Vetëvendosje  nga qeverisja në Prishtinë. Edhe ne vetë këtë vendim e kuptuam nga ky emision. Tashmë është e qartë se kryetari pas fitimit të mandatit të dytë, nuk i bëhet vonë për besimin e qytetarëve dhe angazhim e aktivisteve por as për premtimet me të cilat e fitoi këtë mandat”, ka thënë Vitia.

Shpend Ahmeti shkarkon dy drejtorë të Vetëvendosjes në Prishtinë, reagon Yll Rugova Shpend Ahmeti shkarkon dy drejtorë të Vetëvendosjes në Prishtinë, reagon Yll Rugova

Kurse, Nora Kelmendi e cila u shkarkua nga drejtoria për Kadastër, deklaroi se gjesti i Shpend Ahmetit ndaj tyre tregon qyqarllëk.

“Akti i shkarkimit të cilin e bëri dje Shpendi përmes një emisioni televiziv, tregon se ai e kishte shumë të vështirë të ballafaqohet sy më sy me neve, ato që i tha mbrëmë janë të paqëndrueshme. Gjesti i tij tregon një qyqarllëk të tij, dhe mungesë guximi dhe respekti ndaj neve, besimit të qytetarëve dhe VV-së”, deklaroi Kelmendi.

Ajo shtoi se të përjashtosh VV nga qeverisja tregon se ky kryetar ka hequr dorë nga programi me të cilin kemi fituar besimin e qytetarëve, dhe sipas saj VV-në e sheh si pengesë për punët që ka ndërmend ti bëjë me koalicionin qeverisës.

Në anën tjetër, Yll Rugova, Drejtor i Kulturës ka thënë se Vetëvendosje është larguar nga qeverisja duke krijuar një mundësi që të bëhen koalicione tjera brenda qeverisjes aktuale. /Telegrafi/

Të Ngjajshme
Shfaq Komentet (0)