Shkolla “Safet Rexhepi” në fshatin Zhití të Vitisë është pasuruar me pajisje të reja teknologjike falë donacionit të mërgimtarit Remzi Ibrahimi, i cili jeton dhe punon jashtë vendit.

Ai është pritur nga kryetari i Komunës së Vitisë, Sokol Haliti, drejtoresha e Arsimit, Arta Ajeti, si dhe u.d. i drejtorit të shkollës, Florim Brahimi.

Gjatë këtij viti, Ibrahimi ka dhuruar 28 kompjuterë, 5 televizorë Smart LG dhe një fotokopje, pajisje që tashmë kanë mundësuar hapjen e një kabineti të ri mësimor me kushte të avancuara për nxënësit.

Kryetari Haliti dhe drejtoresha Ajeti e falënderuan mërgimtarin për mbështetjen e vazhdueshme ndaj vendlindjes, veçanërisht për kontributin në përmirësimin e kushteve të mësimdhënies e mësimnxënies. Ata theksuan se ky investim do të ndikojë drejtpërdrejt në rritjen e cilësisë në arsim.

Në shenjë mirënjohjeje për kontributin e dhënë, kryetari Haliti i ndau Remzi Ibrahimit një mirënjohje komunale. /Telegrafi/


VitiaGjilaniLajmeRajoni i GjilanitArsimLokaleGjilaniGjilani