DnV: Qeveria të rishqyrtojë masat e reja anti-Covid, mund të diskriminojnë votuesit që vijnë nga jashtë

Koalicioni i organizatave jo qeveritare Demokracia në Veprim shpreh shqetësim për vendimin e fundit të Qeverisë së Kosovës për lehtësimin e masave anti-Covid.

Sipas DnV ky vendim është marrë në një kohë kur numri i personave të infektuar me Covid-19 është në rritje të vazhdueshme dhe kur masat parandaluese paraprake janë shkelur në pothuajse të gjitha aktivitetet zgjedhore të subjekteve politike.

Lexo po ashtu Mërgimtarët që vijnë nga këto shtete, duhet ta kenë testin PCR negativ për të hyrë në Kosovë (Dokument)

“Për më tepër, vendimi i Qeverisë është kontradiktor me vendosjen e masave të reja ndaj qytetarëve të Kosovës, (përfshirë edhe ata me vendbanim në një shtet tjetër), të cilët gjatë hyrjes në Kosovë duhet të paraqesin testin negativ RT-PCR të bërë më së largu 72 orë ose në të kundërt të vetizolohen për 7 ditë”.

Lexo po ashtu Qeveria: Mbesin në fuqi masat e njëjta, përveç heqjes së orës policore dhe kthimit të mësimit në fakultete

“Nga një anë ka lehtësim masash ndërsa në anën tjetër të njëjtat bëhen me strikte duke diskriminuar qytetarët e Kosovës që vijnë nga jashtë. Duke e ditur që shumë qytetarë me të drejtë vote janë nisur drejt Kosovës, kjo masë e re e Qeverisë e paralajmëruar me vonesë, mund të cenojë të drejtën kushtetuese të qytetarëve të Kosovës për të votuar”.

DnV kërkon nga Qeveria që të rishqyrtojë të gjitha masat e reja anti-Covid të cilat sipas tyre janë në kundërshtim edhe me rekomandimet e ekspertëve të fushës, njofton Telegrafi.