Avokati shqiptar Shefqet Dizdari, i cili gjatë periudhës së luftës kishte ndërmjetësuar ndërmjet grupeve të shqiptarëve të Kosovës, ka ardhur për herë të parë me një rrëfim për luftën e Kosovës që nga fazat përgatitore.

Dizdari, në “Debat Plus” me Ermal Pandurin transmetuar në RTV Dukagjini, ka thënë se shitja e “Dardania Bank” ishte shpërdorimi më i vogël që u bë në raport me ato që janë deklaruar, përcjell Telegrafi.

“Fondet e grumbulluare të Kosovës ishin shumë më të mëdha se ato që u deklaruan pas çlirimit nga Isa Mustafa dhe Bujar Bukoshi”.

Avokati thotë se çështja e hetimit të shitjes së “Dardania Bankës” është ndër më të rëndësishmet që duhen hetuar së bashku me rastin e vrasjes së Ali Ukës dhe Ahmet Krasniqit.

“Banka Dardania u krijua nga Ibrahim Rugova me procedurë të shpejtë, që e miratoi Sali Berisha. Kjo bankë ka luajtur rol të rëndësishëm në funksionimin e arsimit në Kosovë në atë kohë. Paratë vinin në kesh me avion nga diaspora dhe shpesh herë këto fonde janë lëvizur nga Remzi Ejupi… Shpesh herë kam transportuar edhe unë i shoqëruar nga punonjës policie”.

Dizdari thotë se për fat të keq “Dardania Banka” filloi të manipulohej, sipas tij arriti deri në atë masë sa që t’ia ndërpresë edhe fondet Ibrahim Rugovës që i nevojiteshin për pagesa të biletave apo hoteleve.

Rrëfim i rrallë: Shefqet Dizdari tregon për tentativat e FARK-ut për të blerë armë në Izrael, zbulon sekrete ushtarake Rrëfim i rrallë: Shefqet Dizdari tregon për tentativat e FARK-ut për të blerë armë në Izrael, zbulon sekrete ushtarake

“Kosova nuk mori asgjë nga shitja e asaj banke. U pasuruan disa drejtues të bankës e më lartë dhe ajo pothuajse iu fal italianëve”.

Avokati shqiptar ka thënë se ka prova të mjaftueshme për të hetuar keqpërdorimet me ‘Dardania Bank’./Telegrafi/