Dita e Shën Valentinit: Janë pesë faza të dashurisë – në cilën jeni ju?

Sipas psikologut Jed Diamond, ka pesë faza të dashurisë të cilat i përjeton një çift.

Nëse ndiheni sikurse keni ngecur diku, mos u frikësoni. Siç duket, shumica e çifteve ngecin te faza e tretë, transmeton Telegrafi.

Diamond është autor i librit ‘The Irritable Male Syndrome’, ndërkaq e ka përdorur përvojën e tij 30 vjeçare si ekspert i lidhjeve për t’i definuar pesë fazat e dashurisë.

Faza e parë: Rënia në dashuri

Kjo ndryshe njihet edhe si “periudha e muajit të mjaltit”. Sipas ekspertit, kjo është faza ku i projektoni të gjitha shpresat dhe ëndrrat te partneri juaj. Për ju, partneri nuk ka të meta, ndërkaq është personi ideal në mendjen tuaj.

Gjatë kësaj faze, hormonet e lumturisë janë më të mëdha se kurdo herë, ndërkaq ju u besoni atyre hormoneve krejtësisht.

Normalisht, kjo nuk mund të zgjatë përgjithmonë.

Lexo po ashtu Çfarë kuptimi kanë lulet për ditën e të dashuruarve?

Faza e dytë: Kur bëheni çift

Gjërat ndryshojnë shumë sepse bashkëjetesa ose lindja e fëmijës gjithashtu kanë efekte psikologjike te ju. Ju ndiheni sikurse jeni ekip, ndërkaq jetët tuaja janë më simbiotike.

Ju ndiheni më të mbrojtur dhe dëshiruar falë përkushtimit, dhe se ky/kjo definitivisht është personi i duhur për ju.

Madje, sipas ekspertit, ju besoni se ‘fati’ ka ndikuar në këtë.

Lexo po ashtu Çfarë t’i blini atij për Shën Valentin, bazuar nga ajo se sa gjatë jeni bashkë

Faza e tretë: Zhgënjimi

Kjo është faza ku filloni të brengoseni se a do të zgjatë dashuria juaj përgjithmonë.

Ju mendoni të ndaheni nga ai person, duke konsideruar se çdo gjë që bën ai/ajo është irrituese.

Kjo është faza ku të gjitha pjesët e mira të lidhjes kanë përfunduar, ndërkaq shumica e çifteve ngecin në këtë fazë dhe vendosin ta përfundojnë lidhjen.

Lexo po ashtu Historia e Shën Valentinit

Faza e katërt: Krijimi i dashurisë së përjetshme dhe të vërtetë

Diamond nuk e shpjegon saktësisht se si ta kaloni fazën e tretë, por nëse ia arrini ta bëni këtë, lumturia e madhe ju pret!

Ai thotë të bëni çmos për t’i hequr dyshimet dhe të punoni bashkë për ta kaluar fazën e tretë, pas kësaj çdo gjë është më mirë.

Lexo po ashtu Idetë më të mira për Shën Valentin

Faza e pestë: Përdorimi i ‘fuqisë së dy personave’ për ta ndryshuar botën

“Ju nuk duhet të jeni bashkë vetëm për hatër të jetës, por ju jetoni si çift për një kauzë më të madhe. Mund të jetë se punoni bashkë, shkruani bashkë, krijoni diçka bashkë – mund të jetë çfarëdo”. /Telegrafi/