LAJMI I FUNDIT:

Disa aplikacione të palëve të treta në Twitter duket se kanë probleme

Disa aplikacione të palëve të treta në Twitter duket se kanë probleme

Disa klientë të aplikacioneve të palëve të treta në Twitter si Twitterific dhe Tweetbot, duket se po përjetojnë probleme, megjithëse shkaku se pse kjo po ndodh aktualisht mbetet i paqartë.

Zhvilluesit nuk kanë marrë asnjë komunikim nga kompania nëse problemi është shkaktuar nga një gabim apo diçka tjetër, kjo sipas një postimi të Mastodon nga Paul Haddad, një nga krijuesit e Tweetbot.

Ka pasur spekulime nga përdoruesit e Twitter dhe disa media se kjo është një lëvizje nga Twitter për të mbyllur plotësisht klientët e palëve të treta, transmeton Telegrafi.

Megjithatë, ndërprerja mund të mos jetë universale. Disa aplikacione, si Fenix 2 ose Albatross, duket se po funksionojnë për disa të tjerë, megjithëse janë parë përdorues të tjerë që raportojnë probleme me Fenix. Aplikacioni Twitter i palës së parë është gjithashtu ende funksional.

Aplikacionet e palëve të treta mbështeten në API-në e Twitter për të marrë të dhëna nga shërbimi, një pikë që ka qenë e diskutueshme në të kaluarën pasi kompania kaloi një periudhë ku ajo neglizhoi mjetet për zhvilluesit e jashtëm.

Kjo dukej se po ndryshonte përpara se Elon Musk të blinte kompaninë, megjithëse se ku qëndron ai në aplikacionet alternative të Twitter nuk është e qartë; Elon nuk duket se ka thënë diçka shumë pozitive apo negative për to.

Është e vështirë të thuhet nëse ndërprerja e klientit të palëve të treta është për shkak të API-së. Një nga punëtorët e The Verge shkruan se përpjekja për thirrje të caktuara nga llogaria e tij individuale e zhvilluesit të Twitter dukej se kishte funksionuar, ndërsa mjeti i eksploruesit API të Twitter aktualisht ka probleme.

Shumë nga mesazhet e problemit që shfaqen tek përdoruesit u referohen çështjeve me vërtetimin. Në kohën e shkrimit, nuk ka pasur asnjë postim në Twitter për problemet e dukshme, qoftë nga llogaria zyrtare në Twitter, nga llogaria e Twitter Support apo edhe nga vetë Elon Musk.

Kompania nuk ka një departament komunikimi që mund të pyetet për këtë çështje drejtpërdrejt, por The Verge shkruan se do të vëzhgojnë tutje për çdo zhvillim në lidhje me këtë. /Telegrafi/

Në trend Teknologji

Më shumë
Samsung po kërkon ndihmë nga studentët për t'i bërë telefonat e ardhshëm Galaxy edhe më të zgjuar

Samsung po kërkon ndihmë nga studentët për t'i bërë telefonat e ardhshëm Galaxy edhe më të zgjuar

Teknologji
Kodi i fshehur zbulon veçorinë e Play Store që do t'u jap përdoruesve të Android një surprizë

Kodi i fshehur zbulon veçorinë e Play Store që do t'u jap përdoruesve të Android një surprizë

Teknologji
BE thotë

BE thotë "jo aq shpejt" për planet e trajnimit të të dhënave me AI të Meta-s

Teknologji
Aksionet e Tesla-s mund të rriten për 90 për qind tani që paketa 56 miliardë dollarëshe e Musk është miratuar

Aksionet e Tesla-s mund të rriten për 90 për qind tani që paketa 56 miliardë dollarëshe e Musk është miratuar

Teknologji
Video-loja më e shitur e PlayStation u krijua nga rivali i saj

Video-loja më e shitur e PlayStation u krijua nga rivali i saj

Lojëra
Franca synon majat e inteligjencës artificiale

Franca synon majat e inteligjencës artificiale

Teknologji
Kalo në kategori