Dioqeza Rashkë-Prizren: Personat e armatosur janë larguar nga Manastiri i Banjskës

Personat e armatosur janë larguar nga Manastiri i Banjskës në Zveçan – komunë në pjesën veriore të Kosovës të banuar me shumicë serbe – ka njoftuar Dioqeza Rashkë-Prizren, ndërsa ka shtuar se situata aktualisht është e qetë dhe të gjithë personat që kanë qenë brenda manastirit janë mirë.

“Në konviktin e manastirit ndodhen ende igumeni me vëllazërinë e tij, si dhe një grup besimtarësh nga Novi Sadi, mes të cilëve edhe dy të mitur. Drejtoria e Manastirit njofton se të gjithë janë mirë, se në kapelën e manastirit bëhen shërbesa të rregullta, me shpresë që kjo dramë të përfundojë sa më shpejtë”.

Pjesëtarët e Policisë së Kosovës janë futur brenda Manastirit të Banjskës në Zveçan, derisa dhjetëra persona janë kapur nga ekipet policore, porse ende nuk dihet nëse janë të gjithë anëtarë të grupit terrorist që ka sulmuar Policinë e Kosovës të dielen, duke lënë të vdekur një zyrtar policor.

Policia e Kosovës aktualisht është duke kryer procesin e identifikimit të personave brenda manastirit, ngase siç është bërë e ditur edhe nga autoritetet kosovare, disa prej personave që kanë qenë brenda janë pelegrinë ortodoksë e të tjerë dyshohet se janë persona që kanë bashkëpunuar me kryesit e sulmeve terroriste.

Disa nga pjesëtarët e grupit të armatosur terrorist që ishin ngujuar në Manastirin e Banjskës që nga orët e para të mëngjesit tashmë janë larguar, derisa tre terroristë janë vrarë nga Policia e Kosovës, kurse gjashtë të tjerë janë arrestuar – dy prej tyre të plagosur.

Shtetet e Bashkuara të Amerikës (SHBA) dhe Bashkimi Evropian (BE) kanë dënuar ashpër vrasjen e policit kosovar dhe aktet terroriste të së dielës, ndërsa autoritetet kanë njoftuar se kanë qenë të përfshirë së paku 30 persona të armatosur rëndë, profesionistë, ushtarakë e policë, të cilët janë neutralizuar nga forcat policore.

Diocesan Communique: Currently, there is a sense of calm at the Banjska monastery, but an overwhelming unease and concern linger among the monks and pilgrimshttps://t.co/q5Bj2S3Lju

The Raška-Prizren Diocese (#Serbian , #Orthodox #Church) informs the public that the situation at… pic.twitter.com/yq4gdzNpyP

— Dečani Monastery (@DecaniMonastery) September 24, 2023