Në ditën e zgjedhjeve të raundit të parë në Pejë, e takova një burrë që kishte ardhur në Kosovë mahsuz për me e votu Gazmend Muhaxherin. Për të festuar ardhjen e tij, ai edhe na qerasi nga një birrë. Boftë hajr.
Edhe unë si pjesëtar i diasporës marr pjesë aktivisht në jetën politike në Kosovë. Edhe duke votuar, edhe duke shkruar shkrime, edhe duke komentuar në media sociale. Arsyet pse unë jam qytetar aktiv në Kosovë, edhe pse jam pjesëtar i diasporës, janë të shumta:
Kosova është vendi im. Në Kosovë e kam një pjesë të madhe të familjes për të cilën i dëshiroj më të mirat e mundshme. Në Kosovë kam biznes i cili edhe pse shume pak, varet nga qeverisja e vendit. Në Kosovë paguaj taksa. Në Kosovë krijoj vende pune. Kosova duket më mirë në mediat ndërkombëtare për shkak të punës time. Unë mendoj se kjo mjafton po ka ende.
Është një arsye tjetër pse unë kam të drejtë të jam pjesë e shoqërisë kosovare: Ligji dhe Kushtetuta. Pikë.
Për shkaqe të nduarnduarshme, përfshirë edhe ato politike dhe të inateve, një grup (mendoj se tashti është shumë i vogël) i njerëzve që jetojnë nga puna intelektuale, kanë filluar të komentojnë duke sugjeruar që diaspora nuk duhet të jetë pjesë e zgjedhjeve e në veçanti atyre lokale.
Një koment thoshte: “Votimi i diasporës në zgjedhje lokale është marri e madhe… Dihet për nivelin e naltë intelektual dhe edukativ të tyre”. Një tjetër jep këshilla se si një trup prej mbi 400 mijë personash nuk duhet të ketë bindje politike, por duhet të jetë unik: “Bashkatdhetarët e Kosovës që jetojnë dhe punojnë jashtë vendit duhet të jenë unikë dhe jo të ndarë në parti politike”, duke sugjeruar që duhet të hiqet e drejta e votës dhe e drejta për kandidim në zgjedhje, duke vazhduar më tutje se votat e dërguara me postë në Prishtinë janë “brengosëse”. Shih ti!
Tash, sa i përket nivelit intelektual dhe kulturor të diasporës do thosha: lëshoje MTV Musical Awards, shko në shkollë arti te Sislej Xhafa apo te motra e tij Alketa… Të mos vazhdoj më shumë, se nisim e skuqemi.
Mirëpo, duke e pranuar të drejtën për argumentim se Kosova është vetëm e atyre që jetojnë atje, këta komentues duhet të angazhohen që të ndryshojnë ligjin e jo të njollosin. E, për këtë janë dy mënyra:
Njëra është kushtëzimi i shtetësisë së Kosovës, si e vetmja shtetësi që mund ta mbash, si modeli i Azerbejxhanit, Indisë apo pjesërisht ai gjerman. Në këtë rast, 80 për qind e Përfaqësueses së Kosovës në futboll do të duhej të vendoste a duhet të heqin dorë nga shtetësitë e vendeve prej nga vinë, për të luajtur për dardanët. Kjo do të përfshinte edhe një pjesë të madhe të Përfaqësueses në basketboll. Mirëpo, me këtë do i hiqnim injorantët nga diaspora prej listave të votuesve!
Mënyra e dytë është që votimi të kushtëzohet me vendbanim. Pra, duhet të jesh jo vetëm qytetar, por edhe banues për të votuar. Unë nuk e di a ka këso rastesh në botë, por pse të mos bëhemi i pari. Niseni debatin e të shohim.
Për mua praktikë e mirë është ajo e Francës apo e Spanjës që i mundëson secilit njeri që mbajë shtetësi të votojë në mënyrën më të lehtë të mundshme. Këto shtete organizojnë votimet për diasporën e tyre në përfaqësitë diplomatike. Dardan Gashi, si ministër i Diasporës, zyrtarisht kërkoj që ta realizosh këtë: diaspora të votojë në përfaqësitë diplomatike të Kosovës e të mos ketë nevojë të udhëtojë.
Derisa iniciativat për kufizimin e votave të diasporës në zgjedhjet kosovare të bëhen ligj (nëse ndonjëherë bëhen), unë të gjithë juve që dëshironi të kufizoni pjesëmarrjen time në shoqërinë kosovare ju dëshiroj lobim të këndshëm.
(Autori është gazetar kosovaro-zviceran)
Lufta Prigozhin - Putin
Më shumëNgacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Juventusi mëson çmimin që duhet të paguajë për transferimin e Edon Zhegrovës
Suspendimi i profesorit Krasniqi pas akuzave për ngacmim seksual, dekani i Fakultetit të Edukimit tregon detaje të vendimit
Gresa Hoti merr vëmendje me fotografitë fantastike nga pushimet e saj
“Netët e vona” – Xhensila Myrtezaj shfaqet nën shoqërinë e Noizyt në një studio muzikore
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre