Dhjetëra të vrarë në sulmin ndaj punëtorëve të fermave në Nigeri

Rreth 40 persona raportuan ‘të masakruar’ në sulm ndaj punëtorëve që punonin në fushat e orizit në shtetin Borno të Nigerisë.

Sulmuesit kanë vrarë dhjetëra njerëz që punojnë në fushat e orizit, sipas disa burimeve lokale të cituara nga agjencitë e lajmeve, raporton aljazeera.

Sulmuesit të shtunën lidhën punëtorët e bujqësisë dhe u çanë fytin në fshatin Koshobe, afër Maiduguri, kryeqyteti i shtetit Borno, transmeton Telegrafi.

“Ne kemi gjetur 43 trupa të vdekur, të gjithë të masakruar, së bashku me gjashtë të tjerë me plagë të rënda”, i tha agjensisë së lajmeve AFP, Babakura Kolo, një udhëheqës i një milice lokale që lufton me grupe të armatosura në rajon.

Agjensia e lajmeve Reuters, duke cituar një udhëheqës fshati, një luftëtar lokal me grupin Zamarmari dhe një burim policie, gjithashtu raportoi sulmin, duke vendosur numrin e të vdekurve të paktën 40 personave. Një kërkim nga autoritetet për sulmuesit ka filluar, shtoi ai.

Boko Haram dhe Shteti Islamik në Provincën e Afrikës Perëndimore (ISWAP) janë aktivë në verlindje të Nigerisë. Dhjetëra mijëra njerëz janë vrarë në konflikt, i cili ka zhvendosur rreth dy milionë që nga viti 2009. /Telegrafi/