Në cilën pjesë të trupit një person ndien më shpesh dhimbje?

Shumëkush me siguri do të vërejë se shqetësimi në stomak është problemi më i zakonshëm. Pse kështu?

Fakti është se puna e keqe e shumë organeve të brendshme shkakton dhimbje në bark dhe nga natyra e këtyre ndjenjave të pakëndshme, mund të arrihet në një përfundim mjaft të saktë se cili është shkaku, transmeton Telegrafi.

Ne ofrojmë një skemë të thjeshtë – një hartë të shëndetit të mirë, e cila do të hedhë dritë mbi origjinën e shumë dhimbjeve misterioze dhe do t’ju mundësojë të deshifroni sinjalet e trupit tuaj në çdo kohë.

Reklama

Siklet në pjesën e sipërme të djathtë të barkut

Aty janë mëlçia dhe fshikëza e tëmthit, kështu që në rast dhimbjeje, zakonisht duhet t’u kushtoni vëmendje atyre organeve. Dhimbja akute e fortë, e cila përhapet në shpatullën e djathtë, mund të tregojë praninë e gurëve në tëmth. Sidomos nëse dhimbja shfaqet pas ushqimeve të yndyrshme.

Reklama

Dhimbja e zgjatur mund të tregojë inflamacion të fshikëzës së tëmthit. Dhe dhimbjet me ndërprerje që ndodhin herë pas here mund të jenë shenjë e hepatitit – një sëmundje e rrezikshme e mëlçisë.

Siklet në pjesën e mesme të sipërme të barkut

Aty më afër janë duodeni dhe një pjesë e pankreasit. Dhimbjet e shpeshta, të cilat shtrihen në shpinë dhe përkeqësohen pas një vakti, mund të dyshohet për pankreatit.

Reklama

Djegia në gjoks me kollë, fryrje dhe ndjenjë thartire në gojë, zakonisht tregojnë dispepsi ose urth. Nëse dhimbja përkeqësohet gjatë natës ose ndërmjet vakteve dhe zhduket pas një vakti, mund të jetë shenjë e ulcerës duodenale.

Siklet në pjesën e sipërme të majtë të barkut

Dhimbja e fortë e shoqëruar me të përziera mund të tregojë inflamacion të lukthit ose gastrit. Dhe dhimbja intensive e djegies kur stomaku është bosh, ka shumë të ngjarë të tregojë një ulcerë.

Reklama

Siklet në pjesën e djathtë dhe të majtë

Dhimbja e fortë e alternuar mund të tregojë gur në veshka. Simptomat shoqëruese janë të përzierat, urinimi i shpeshtë dhe temperatura.

Reklama

Siklet në pjesën qendrore të barkut

Dhimbjet dhe ngërçet, të shoqëruara me lodhje dhe humbje peshe, mund të tregojnë inflamacion të zorrëve. Ënjtja e dhimbshme në zonën e kordonit të kërthizës, e shoqëruar me parehati, tregon praninë e një hernie.

Siklet vetëm në pjesën e majtë të barkut

Dhimbja e vazhdueshme e shoqëruar me nauze zakonisht tregon divertikulit ose inflamacion të pjesës së poshtme të zorrës së trashë.

Siklet në pjesën e poshtme të djathtë të barkut

Këtu ndodhet zorra e verbër, i cila luan një rol të madh në proceset e tretjes. Dhimbja akute, së bashku me humbjen e oreksit dhe të përzierat, shpesh tregojnë apendiksit (inflamacion të apendiksit).

Reklama
Reklama

Mesi i poshtëm i barkut

Dhimbja në pjesën e poshtme të barkut ka shumë të ngjarë të tregojë probleme me fshikëzën dhe organet riprodhuese. Dhe ngërçet e stomakut, dhimbjet gjatë urinimit dhe ndryshimet në ngjyrën e urinës tregojnë një infeksion të fshikëzës.

Pjesa e poshtme majtas e barkut

Dhimbja e shoqëruar me ngërçe dhe gazra mund të tregojë sindromën e zorrës së irrituar.

Siç mund ta shihni, trupi na tregon shumë qartë problemet e tij, dhe ne thjesht nuk jemi të kujdesshëm dhe të udhëzuar sa duhet për të vërejtur dhe kuptuar këto sinjale të dukshme.

Megjithatë ju tërheqim vëmendjen se ky informacion ka një qëllim edukues dhe në rast se ndjeni dhimbje duhet të konsultoheni me mjekun dhe të bëni të gjitha ekzaminimet e nevojshme. Mos harroni se një trup i shëndetshëm është shumë më i lehtë për t’u mbajtur në gjendje të mirë sesa për të kuruar sëmundje të pakëndshme.

Reklama
Reklama

Ndani këtë artikull me miqtë tuaj, le të mësojnë të kuptojnë se çfarë na thonë sinjalet e trupit. /Telegrafi/