Dezinformatat e plasuara ditë më parë, si paralajmërim për rrezikun nga sulm terrorist në vendin tonë, po konsiderohen si pjesë e një lufte që po zhvillohet ndaj Republikës së Kosovës, duke paraqitur vendin tonë si jostabil në aspektin e sigurisë.
Njohësi i çështjeve të sigurisë, Agim Musliu ka deklaruar për Telegrafin se zakonisht prapa këtyre veprimeve qëndrojnë shërbime të inteligjencës, që në këtë rast besohet të jenë shërbimet serbe të inteligjencës të ndihmuara nga ato ruse.
Sipas Musliut, në këtë situatë, përgatitja e opinionit për një dezinformatë është bërë duke shfrytëzuar tragjedinë e vrasjes së tre qytetarëve në Gllogjan.
“Ditët e fundit ishin me një atmosferë të zymtë në Kosovë. Ngjarja tragjike e kobshme e vrasjes së tre qytetarëve në Gllogjan, dy prej të cilëve të mitur, e tronditi sigurinë tonë. Megjithë humbjen e jetës së tyre, konsideroj se Kosova u dëmtua edhe më shumë nga ajo sesi u pasqyrua kjo ngjarje, me cilësimet e ngutshme, dhe veçmas kur të nesërmen u përhap një dezinfomatë tjetër për gjoja një kërcënim terrorist në dy qendra tregtare në Kosovë”, tha Musliu në një prononcim për Telegrafin.
Musliu u shpreh se pas një tragjedie si ajo e Gllogjanit, qytetarët ishin të gatshëm tashmë për ta besuar edhe një informacion si ai i kërcënimit për sulm.
“Do të thotë, u shfrytëzua tragjedia e Gllogjanit, sentimenti i skajshëm për humbjen e tri jetëve, dhe opinioni ishte i gatshëm që ta përpinte një dezinformatë të qëllimshme kërcënimi”, tha ai.
Tutje, Musliu u shpreh se pas gjithë kësaj zakonshëm qëndrojnë shërbime të inteligjencës.
“E gjithë kjo, duket se është pjesë e luftës hibride që po zhvillohet ndaj Republikës së Kosovës, duke e paraqitur vendin tonë gjoja si jo stabil. Prapa veprimeve hibride, zakonisht qëndrojnë shërbimet e inteligjencës, kurse në këtë rast, me siguri janë shërbimet serbe të inteligjencës, me shumë mundësi të ndihmuara nga rusët”, theksoi ai.
Ndërkaq, deri te publikimi i informacionit, siç shprehet Musliu, mund të ketë ardhur duke përdorur siç i quan ai “marionetat” ruse ose pro-ruse në institucionet ndërkombëtare në Kosovë.
“Siç duket janë përdorur edhe ‘marionetat’ ruse ose pro-ruse që gjenden në disa institucione ndërkombëtare në Kosovë, duke thënë se burimi i informacionit qenkan ambasadat perëndimore. Në fakt, kjo u mohua nga ambasadat e apostrofuara”, thaksoi Musliu.
Efekti i një informacioni të tillë u pa edhe në publik, duke u krijuar për pak kohë panik te qytetarët, e po ashtu duke mbushur ballinat e medieve serbe e ruse, që paraqisnin Kosovën si vend pa stabilitet.
“Pra, ky operacion psikologjik i shërbime armiqësore të inteligjencës, megjithëse pati efekt – u krijua panik te qytetarët, dhe njëkohësisht u mbushën titujt e mediave serbe e ruse se Kosova gjoja qenka vend pa stabilitet, unë besoj se do të dekonspirohet në detaje”, tha Musliu.
Mbrëmjen e së premtes, Kosova e rajoni u trondit nga ngjarja tragjike në Gllogjan, ku një person ka shtënë me armë zjarri në një autobus duke lënë të vdekur shoferin e autobusit, Gani Gjokaj dhe dy nxënësit pasagjerë Genta Mustafaj dhe Ledion Hamzaj.
Për identifikimin dhe gjetjen e autorit, apo autorëve të krimit janë angazhuar një numër i madh forcave të rendit, Njësiti Special i Policisë së Kosovës dhe po bëhen hetime edhe në koordinim me Agjencinë Kosovare të Inteligjencës.
Madje, Qeveria e Kosovës ka ofruar shpërblim prej 20 mijë euro për ata të cilët mundësojnë arrestimin e autorit të vrasjes së trefishtë në Gllogjan të Deçanit.
Vetëm një ditë pas rastit, për shkak të rrezikut nga një sulm i mundshëm, përfaqësues të diplomacive të huaja në Kosovë kanë paralajmëruar punonjësit e tyre që t’i shmangin turmat dhe qendrat e mëdha tregtare.
Por, Policia e Kosovës kishte deklaruar për Telegrafin se është duke ndërmarr veprimet e saja operacionale në bashkëpunim dhe koordinim me organet e drejtësisë, në interes të ruajtjes së rendit dhe sigurisë publike në vend. periudha e rrezikut ishte raportuar nga 26 deri më 29 nëntor, kurse autoritetet e sigurisë jo zyrtarisht janë njoftuar me këtë rast.
“Policia e Kosovës është institucion i zbatimit të ligjit dhe konform autorizimeve ligjore që ka trajton çdo informacion, apo çështje e cila ndërlidhet me fushëveprimin policor”, thuhet në përgjigjen e Policisë.
Më tej, Policia thotë se “varësisht nga natyra e informacionit dhe rezultimit të të gjeturave, ndërmerr veprimet e saja operacionale në bashkëpunim dhe koordinim me organet e drejtësisë, në interes të ruajtjes së rendit dhe sigurisë publike në vend”, ka thënë policia për Telegrafin.
Ndryshe, ambasadat në Kosovë i njoftojnë punonjësit e tyre sa herë që ka informata për rreziqe të mundshme për sigurinë e tyre. /Telegrafi/
Lufta Prigozhin - Putin
Më shumëNga Rubrika
Demiri: Nuk është e ligjshme që Klinika të mos jetë e siguruar, menaxhmenti duhet të marrë përgjegjësi për këtë
Osmani për fjalimin e Vuçiqit në KS të OKB-së: Ai ka bërë një sërë deklaratash pos traumatike
Nis gjykimi ndaj Ramiz Merkos për blerjen e veturës luksoze, anulohet seanca e parë
A do të jetë Kosova vendi i parë në botë me shumicë myslimane që do të mundësojë martesat e së njëjtës gjini, Martens: Me sa duket po
FSK zgjedh ushtarin më të mirë për vitin 2024
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Tentim-vrasja në Dragash, dhëndri plagos ish-vjehrrin jashtë objektit të gjykatës
Gjenden pa shenja jete dy personaa, njëri në Fushë Kosovë e tjetri në Prishtinë
Plagoset një person në Dragash
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre