Të gjithë e dimë sa e rëndësishme është përshtypja e parë. Çfarë do të mendonit ju për një restorant, në të cilin kur hyni për herë të parë, ju pret një menaxhere që përtyp çamçakëzin, me bluzë të pahekurosur, dhe sjellje të vrazhdë? Nuk do të shkonit sërish apo jo?
E njëja situatë është pak a shumë kur dilni me dikë për herë të parë në një takim. Para se të flisni, ja çfarë vënë re tek ju!
Rrudhat
Nuk është fjala për rrudhat në fytyrë, por për ato nëpër rroba. Nëse shkoni në një takim pune me një bluzë të pahekurosur, jepni përshtypjen se nuk i kushtoni rëndësi njeriut që po takoni. Por, mund edhe t’u dukeni i pakujdesshëm dhe dembel.
Çamçakëzi
Njerëzit përtypin çamçakëz për një sërë arsyesh. Përgjithësisht, ka të bëjë me stresin. Ose ose, kur përpiqen të lënë cigaren. Ngado që ta kapni, çamçakëzi është shenjë papjekurie, ndaj përpara se të shkoni në takim, hidheni…në kosh, ju lutemi.
Grimi i tepërt
Grimi i rëndë ngjall mosbesim tek të tjerët; ‘Çfarë fsheh ajo pas gjithë atij truku?’, pyet pavetëdija e tyre.
Këpucët e papastruara
Këpucët janë një prej detajeve që më shumë vihen re, dhe kur janë të pastra e të lustruara, i shtojnë shumë pikë pranisë suaj. Në të kundërt, mos u ulni pa i pastruar të pastën me një farzoletë.
Qëndrimi i kërrusur
Jo më kot prindërit përpiqen t’ua mësojnë me domosdo qëndrimin drejt fëmijëve të tyre. Mbajeni kokën lart, supet prapa por jo të ngrira, dhe do të dukeni plot vetëbesim, të aftë dhe pozitivë. Për më tepër, edhe veshjet ju rrinë më bukur nëse qëndroni drejt. Nëse hyni me shpinën e kërrusur dhe kokën e ulur, do të krijoni përshtypjen se jeni…copë-copë!
Dekolteja
Dekolteja bie menjëherë në sy (e si mund të mos bjerë në sy), por është një zgjedhje e gabuar në një takim të parë. Së pari, dhe kjo nuk ka të bëjë aspak me emancipimin, vë në diskutim moralin tuaj dhe madje edhe zgjuarsinë. Përveç kësaj, nëse keni një takim pune me një mashkull, me shumë gjasë nuk ka për ta dëgjuar fare se cilat çështje duhen zgjidhur në kompaninë tuaj.
Aroma
Ka shumë njerëz që janë aq të ndjeshëm ndaj aromave saqë mund t’u shkaktojë të përziera apo migrenë. Por aroma e trupit është një prej atyre gjërave që kapet menjëherë nga pavetëdija e të tjerëve, dhe ndikon shumë në përshtypjen që krijojnë për ju. Lahuni, parfumohuni (2 apo 3 sprucime, jo më shumë), dhe nëse jeni një duhanpirës, ndërroni bluzën përpara se të shkoni në takim!
Është e gjitha tek sytë
Nëse nuk i kushtoni vëmendje personit që keni përballë; nëse shikoni rrotull, merreni me celularin apo televizorin, apo gjuani djalin në tavolinën përballë…Kështu nuk bën! Sa më pak kontakt sysh të keni me personin që sapo keni takuar, aq më arrogant dhe antipatik do të dukeni!
Kufjet
Hiqini, por jo pasi personi që prisni të takoni t’ju ketë parë me to në vesh. Sikurse çamçakëzi, ato janë një shenjë papjekurie dhe mungesë përqëndrimi.
Dhënia e dorës me dhunë!
Pra, keni hequr kufjet, çamçakëzin, keni pastruar këpucët, dhe ja ku është zotëria që duhej të takonit. I afroheni duke buzëqeshur por, nga emocionet, ia shtrëngoni dorën aq fort, sa e paralizoni. Ky është hapi i parë më i keq kur takoni dikë për herë të parë! Një dhënie dore duhet të zgjasë 2-3 sekonda, jo më gjatë, dhe mundohuni që përmes duarve të përçoni siguri, besim dhe qetësi.
Burimi: Bustle
Promo
Reklamo këtuLufta Prigozhin - Putin
Më shumëNjë kryqëzim i rrugëve që mundon shumë shoferë. Shikoni mirë, kush ka përparësi kalimi?
Nëse semaforët nuk funksionojnë, kush ka përparësi në kryqëzim? Vetëm shoferët më të mirë do ta dinë përgjigjen menjëherë
Ushqimi ideal para dhe pas ushtrimeve
Lajmet propaganduese në mungesë të gazetarisë konstruktive dhe inovative
Shenja që mban titullin e gruas më të mirë
Gjashtë këshilla për të rikthyer lumturinë pas momenteve të vështira
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe