Fitorja e Donald Trumpit në zgjedhjet presidenciale në SHBA kishte hasur në një jehonë të rrallë pozitive në opinionin publik në Serbi, kjo më shumë për shkak të Kosovës.
Atëherë thuhej se Trump dhe kinse afria e tij me presidentin rus, Vladimir Putin, do të thoshte edhe “lëshuarje pe” e shtetit më të fuqishëm në botë ndaj pavarësisë së shtetit (Kosovës), të cilën shumëkush e cilëson si “projekt amerikan”.
Madje disa media në Serbi shkuan aq larg duke shpresuar se “Trump do t’ia kthejë Kosovën Serbisë”.
Mirëpo, kishte edhe zëra të matur të cilët nga fillimi kanë tërhequr vërejtjen se administrata e re amerikane nuk do të bëjë kurrfarë ndryshimesh në pjesën më të madhe të politikës së jashtme, veçmas jo në këtë moment në vendet jo shumë të rëndësishme dhe jo atraktive, siç është Ballkani, shkruan B92, transmeton Telegrafi.
Shpresat se Trump, në mënyrë metaforike, do të rrënojë në Prishtinë përmendoren e bashkëshortit të rivales së tij Hillary Clinton, relativisht shpejt u shuan, kurse ditëve të fundit nga Washingtoni vijnë dëshmi të theksuara se SHBA vazhdon të qëndrojë prapa projektit të pavarësisë së Kosovës, shkruan agjencia serbe e lajmeve.
Ky mesazh nga Shtëpia e Bardhë dje arriti edhe nga Matthew Palmer, i cili pas vizitës në Beograd dhe Prishtinë, deklaroi se “raporti i SHBA ndaj Kosovës dhe Ballkanit mbetet i pandryshuar”
Palmer, një ish-zyrtar i Ambasadës Amerikane në Beograd, ku ishte përgjegjës për inteligjencën, tani është drejtor i Zyrës për Evropën Juglindore në Departamentin e Shtetit. Edhe pse mund të lexohet se ai është pjesë e “ekipit Trump”, atë në këtë pozitë në Departamentin e Shtetit e ka vendosur administrata Obama, transmeton Telegrafi.
Menjëherë pas “njeriut të Obamas”, u paraqit vet Donald Trump, i cili në përvjetorin e shpalljes së pavarësisë i ka dërguar një letër urimi presidentit të Kosovës, Hashim Thaçi.
Trump në mesazhin e tij të urimit kishte thënë se SHBA “bashkë me qytetarët e Kosovës kanë festuar medaljen e artë në lojarët Olimpike dhe anëtarësimin e Kosovës në FIFA”, dhe se “e ardhmja e Kosovës sovrane, multietnike dhe demokratike është në rajonin e qëndrueshëm dhe të begatë të Ballkanit, i cili është plotësisht i integruar në bashkësinë ndërkombëtare”.
Për dallim nga urimi pak a shumë protokollar, gruaja të cilën në funksion e vendosi vetë Donald Trump, ambasadorja e re e SHBA-së në OKB, Nikki Haley, ka thënë diçka shumë më specifike – se Kosova meriton të jetë anëtare e plotë e OKB-së.
Sikurse Trump, ajo ka thënë se duhet të bëhet më shumë në vendosjen e ligjit, por se SHBA beson se bashkësia ndërkombëtare duhet të njohë përparimin e madh të Kosovës pas shpalljes së pavarësisë, transemton Telegrafi.
“Kosova e meriton vendin e saj në skenën ndërkombëtare, përfshirë këtu edhe anëtarësimin me të drejta të plota në OKB”, ka thënë Haley.
Për mbështetje ndaj Kosovës, Trump ka marrë së fundmi mirënjohje personalisht nga Kryetari i Kuvendit të Kosovës, Kadri Veseli, i cili ka publikuar një foto të tyre të përbashkët në Teitter. /Telegrafi/
Lufta Prigozhin - Putin
Më shumëNga Rubrika
Rasim Selmanaj zyrtarizon kandidaturën për deputet nga radhët e AAK-së
Mitsotakis: Shkupi dhe Tirana vetëm mund të përfitojnë me raportet e mira me Athinën
Rama nga Milano: Ju shqiptarët e Italisë nuk i ndërruat emrat, siç ju ndodhi tragjikisht atyre të Greqisë
“Me Kurtin Shqipëria shpreson, me ty Shqipëria vdes” – Rama pritet me parulla kundër tij në Itali
Dreshaj: Qeveria aktuale mashtroi pensionistët, i shndërroi në lypsarë
Arrestohet punëtori i aeroportit të Rinasit, i vodhi pasagjerit orën në vlerë 20 mijë euro
Serbia i kërkon NATO-s të mos ia avancojë statusin Kosovës
Goditi me çekan një të mitur, policia arreston të dyshuarin në Podujevë
KFOR-i negocioi largimin e terroristëve nga Banjska, Islami: Qëllimi ishte dëbimi, e jo vrasja e tyre
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Shpërthejnë komentet negative, menjëherë pas eliminimit të Meriton Mjekiqit nga gara
Fjalët e para të Toni Kroos pasi luajti ndeshjen e tij të fundit në “Santiago Bernabeu”
Finalja e BBVA 3, Heidi Baci elimohet - Julian Deda vazhdon përpara me Eglën dhe Romeon
Si e menaxhoi Qeveria e Kosovës sulmin kibernetik që erdhi nga Rusia?
Protagonist absolut, statistikat e Granit Xhakës flasin për dominimin e tij - shpallet lojtar i ndeshjes në finale
NYT: Grenelli i kishte propozuar Trumpit ta vizitonte Thaçin në Hagë, por ai refuzoi