Në gjyqin për krime lufte të komandantit paraushtarak serb Dragan Vasilkoviq, i njohur ndryshe si kapiten Dragani, një dëshmitar dëshmoi se i pandehuri shikonte ndërsa të burgosurit e luftës keqtrajtoheshin në kalanë e Kninit në Kroaci.
Dëshmitari Tomislav Ceranja tha në gjykatën në Split të mërkurën se ai ishte një rob lufte në një burg në kalanë në qytetin jugor kroat të Kninit në verën e vitit 1991, kur ai pa të pandehurin Dragan Vasilkoviq të shikonte ndërsa të ndaluarit rriheshin.
“Unë u arrestova në fillim të korrikut dhe u dërgova në Benkovac (një qytet jugor kroat nën kontrollin e rebelëve serbë), ku ata ‘më rrahën’ gjithë natën. Numërova që mora 780 goditje dhe se numërimi më ndihmoi psikologjikisht të kaloja natën,” dëshmoi Ceranja, një kroat 66-vjeçar.
“Më pas u çova në kalanë e Kninit, ku ata më goditën me çizmet e tyre në restorant. Pashë kapiten Draganin te dera. Ai nuk më goditi, por ai e pa atë që po bënin ata”, shtoi ai.
Vasilkoviq, i njohur gjerësisht si Kapiten Dragani, akuzohet për krime lufte kundër civilëve dhe të burgosurve të luftës gjatë kohës që ishte komandant i Njësisë së Operacioneve Speciale të Serbisë e dërguar të ndihmonte paraushtarakët serbë në Kroaci gjatë rebelimit të tyre të armatosur midis viteve 1991 dhe 1995.
Vasilkoviq e sfidoi dëshmitarin Ceranja në sallën e gjyqit, duke thënë se dëshmia e tij në lidhje me atë që i ndodhi të burgosurve në Knin ishte e pasaktë.
“Mendon se është gjest patriotizmi të gënjesh në gjykatë kundër një serbi?” pyeti Vasilkoviq.
Marko Miliq, një ish-polic 50-vjeçar, ndërkohë tha në gjykatë se ai u kap në qershor 1992 dhe u dërgua në kalanë e Kninit, ku ai ra 15 kg nga pesha për shkak të kushteve të këqija në të cilat ai mbahej.
“Çdo ditë ngacmoheshim dhe poshtëroheshim. Në kala, pashë kapitetin Dragan, dhe e di që ai kishte autoritet tek rojat tona. Ai nuk më rrahu personalisht. Madje, në një rast më dha një cigare, një Marlboro të kuqe, e mbaj mend. Epo, tani do të doja ta falënderoja për këtë”, tha Milic.
Vasilkoviq akuzohet për torturimin, keqtrajtimin dhe vrasjen e ushtarëve dhe policëve të burgosur kroatë në qershor dhe korrik të vitit 1991 në kalanë në Knin, dhe në shkurt 1993 në Bruska.
Ai akuzohet gjithashtu për organizimin dhe udhëheqjen e sulmit në fshatra, si edhe në një rajon policie në Glina – sulme në të cila u vranë dy persona.
Sipas aktakuzës, ai ishte komandant i qendrës së trajnimit për një njësi speciale paraushtarake të quajtur Alfa.
Vasilkoviq e deklaroi veten të pafajshëm në seancën e parë në shtator.
Ai u ekstradua në Kroaci nga Australia në korrik të vitit 2015, ku ai kishte jetuar për vite me radhë me emrin Daniel Snedden dhe punon si instruktor golfi.
Gjyqi vazhdon të enjten. /kallxo.com/
Promo
Reklamo këtuLufta Prigozhin - Putin
Më shumëTjetër fitore për Ukrainën: Rusia tërheq nga vijat e frontit dhjetëra aeroplanë luftarak
SHBA-ja përgjon aeroplanët rusë
Dhjetë aeroportet më të pastra në botë - vetëm një është në Evropë
Vuçiq humb kontrollin gjatë konferencës, analisten amerikane Ivana Stradner e quan të çmendur
"Po na djegin, ju lutem na ndihmoni", rusët nuk kanë zgjidhje për sulmet me dronë të ukrainasve
Shikoni videon që riktheu shpresën në Kiev, 42 tanke dhe mjete luftarake ruse shkatërrohen në Donetsk
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak