Në gjykimin kundër Fatmir Limajt dhe të tjerëve që akuzohen për krim të organizuar dhe shpërdorim detyre, ka dëshmuar Ali Aliu, i cili njëherë kishte qenë i akuzuar në këtë rast e më pas prokuroria i kishte tërhequr akuzat ndaj tij.
Dëshmitari Aliu nga prokurori Charles Hardaway kryesisht u pyet për njohjen e tij me të akuzuarin Shpëtim Telaku, i cili është edhe truproje i të akuzuarit kryesor, ish-ministrit të Transportit dhe të Telekomunikacionit (MTPT), Fatmir Limaj.
Aliu pohoi ta ketë njohur Telakun gjatë luftës dhe tha se kishin qenë bashkëluftëtarë.
Dëshmitari shtoi se e dinte që Telaku më 2008 ka punuar si truproje e Limajt, i cili në atë kohë ishte ministër i MTPT-së.
I pyetur se a dinte nëse në vitin 2008 Telaku ka pasur ndonjë përgjegjësi për tenderët e ndërtimit të rrugëve, dëshmitari tha se nuk dinte për diçka të tillë. “E di vetëm se ka qenë truproje dhe të ju them të vërtetën as që më ka interesuar”, tha ai.
Në pyetjen e prokurorit se a e keni njohur Fatmir Limajn në atë kohë, dëshmitari tha se e ka njohur në luftë dhe gjatë vitit 2008 vetëm si ministër.
Më tutje, dëshmitari pohoi se gjatë luftës, Limajt i është referuar me “Daja”, ndërsa me “Shef” nuk iu kujtua.
Aliu theksoi se asnjëherë nuk ka punuar në kompani të cilat kanë udhëhequr ndërtimin e rrugëve të Kosovës.
Ai shtoi se ishte përpjekur të punojë me zhavorr dhe ka pasur bashkëpunim me kompaninë “Burimi”.
Më tej, prokurori e ballafaqoi dëshmitarin edhe me disa SMS, të cilat i kishte shkëmbyer me Telakun.
Fillimisht u pyet se a ka dëgjuar ndonjëherë për kompaninë “Eskavatori”, e dëshmitari tha se ka dëgjuar për të, por nuk e di se kush ka qenë pronari i kompanisë.
Pastaj, prokurori e ballafaqoi me disa SMS ku përmendej kompania në fjalë.
“Shpëtim a mujm mu taku dikur kur ti ki mundësi, ska dert edhe nëse osht vonë?”, ishte mesazhi i dërguar sipas prokurorit nga dëshmitari më 9 shkurt 2008.
“Veç të hënën se jemi shumë nxanë, plus jemi tu i kontrollu rrugët me ekspert”, ishte përgjigjur i akuzuari Telaku sipas prokurorit.
“Pikërisht ktu ashtu puna merre parasysh se në kompaninë “Eskavatori” jam. Dëgjohemi.”, ishte mesazhi vijues i dëshmitarit Aliu sipas prokurorit.
Pas ballafaqimit me këto SMS, prokurori Hardaway e pyeti se a ka punuar me kompaninë “Eskavatori” në lidhje me mirëmbajtjen verore të rrugëve në tregun e Ferizajit.
E për këtë, Aliu tha se nuk i kujtohet se çfarë ka qenë në pyetje.
“E kam pasur qëllimin që me ma gjetë një punë. Gjithmonë kam insistuar ta takoj Telakun kokë më kokë. Por, Telaku ka ikë prej meje, po s’ka mujt për hatër t’shoqnisë”, tha Ali Aliu.
Dëshmitari Aliu do të vazhdojë dëshminë në seancën e radhës e cila do të mbahet në fund të muajit prill.
Në këtë proces, Fatmir Limaj akuzohet për krim të organizuar dhe shpërdorim detyre.
Në procesin e njëjtë me Limajn dhe për akuza të njëjta me të nga Prokuroria Speciale e Kosovës ngarkohen edhe Nexhat Krasniqi e Endrit Shala. Pjesë e gjykimit janë edhe Shpëtim Telaku dhe Florim Zuka.
Akuza ndaj Limajt lidhet me tenderët për mirëmbajtjen e rrugëve në komunën e Gjilanit.
Limaj këtë aktakuzë, që nga EULEX-i quhet e konsoliduar pasi në të janë bashkuar rastet MTPT 1 dhe MTPT 2, më 30 tetor të vitit 2015 e cilësoi të ngritur me urdhër politik. /Kallxo.com/
Lufta Prigozhin - Putin
Më shumëNë sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Rashiq për stërvitjet ushtarake serbe: Duan vetëm t’i tregojnë muskujt
Çitaku: Rezultati i zgjedhjeve të përgjithshme do të jetë befasues
Çka tha diplomati slloven Zhbogar në OKB që u irritua Vuçiqi?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre