I dërguari i Trump planifikon një vizitë në Moskë këtë javë për të takuar Putinin

I dërguari special i presidentit amerikan Donald Trump, Steve Witkoff, planifikon një vizitë në Moskë për të takuar presidentin rus Vladimir Putin, kanë thënë dy persona të informuar mbi planet.

Witkoff, i cili është zyrtarisht i dërguari i Trump në Lindjen e Mesme, ka luajtur një rol në rritje në përpjekjet për t’i dhënë fund luftës trevjeçare në Ukrainë, shkruajnë mediat e huaja, përcjell Telegrafi.

Dhe dy njerëzit, duke folur në kushte anonimiteti, konfirmuan në një raport të Bloomberg News se Witkoff do të shkonte në Moskë për bisedime me Putinin.

Një nga burimet tha se Witkoff pritet të udhëtojë në Moskë këtë javë.

Duke komentuar raportet e mediave se Witkoff planifikon të vizitojë Moskën këtë javë për të takuar Putinin, zëdhënësja e Ministrisë së Jashtme ruse Maria Zakharova u citua të ketë thënë nga agjencia e lajmeve RIA se kontaktet midis Rusisë dhe Shteteve të Bashkuara janë tani mjaft intensive.

Trump ka shprehur dëshirën për të takuar Putinin dhe, që nga marrja e detyrës në janar, ka ndjekur një përpjekje për të ndryshuar “marrëdhëniet e akullta” me Rusinë nën administratën e mëparshme të Joe Biden.

Në këtë drejtim, Sekretari i Shtetit i SHBA-së, Marco Rubio po kryeson një delegacion në Arabinë Saudite për bisedime të martën me zyrtarët ukrainas.

Zyrtarët amerikanë kanë planifikuar të përdorin takimin pjesërisht për të përcaktuar nëse Ukraina është e gatshme të bëjë lëshime ndaj Rusisë për t’i dhënë fund luftës, thanë dy zyrtarë amerikanë. /Telegrafi/