LAJMI I FUNDIT:

Dërgimi i provave jashtë vendit, vonon ngritjen e aktakuzës për Banjskën

Dërgimi i provave jashtë vendit, vonon ngritjen e aktakuzës për Banjskën

Sulmi terrorist i Banjskës po vazhdon të hetohet në detaje nga Prokuroria Speciale. Materialet e shumta, por edhe dërgimi i disa provave jashtë vendit për ekzaminim, duket se do t’ia vonojnë paksa prokurorisë ngritjen e aktakuzës.

Kur kanë kaluar rreth pesë muaj nga sulmi terrorist në Banjskë të Zveçanit, Prokuroria Speciale po vazhdon akoma hetimet.

Ngritja e aktakuzës duket se Prokurorisë do t’i marrë edhe pak kohë.

Shkak është bërë edhe dërgimi i disa provave për ekzaminim jashtë vendit.

“Përveç hetimeve që i zhvillon në këtë rast prokuroria, ka edhe elemente të tjera si mjetet të cilat janë konfiskuar duhet të kalojnë përmes laboratorëve të cilët fatkeqësisht në Kosovë nuk janë duke funksionuar dhe duhet që këto të shkojnë në shtete të tjera, nënkupton se mund të zgjatet edhe hetimi por mund të zgjatet edhe koha deri kur mund të ngritet aktakuza”, ka thënë për RTV Dukagjinin Ehat Miftaraj nga IKD.

"Hetimi për Banjskën i një rëndësie vendimtare", ministri gjerman i Mbrojtjes: Gjermania nuk po e armatos vetëm Kosovën
Lexo po ashtu "Hetimi për Banjskën i një rëndësie vendimtare", ministri gjerman i Mbrojtjes: Gjermania nuk po e armatos vetëm Kosovën

Ish-kryetari i Gjykatës së Apelit, Hasan Shala që tani është avokat, tregon se Prokuroria mund të marrë edhe deri në tri vite kohë për ngritje të aktakuzës.

“Nëse do ta kishim një aktakuzë të shpejtë, atëherë vërtetë nuk do të ishte e përgatitur dhe e argumentuar siç e përcakton Kodi i Procedurës Penale. Prandaj duhet t’i ketë Prokuroria Speciale duart e lira dhe të punoj me profesionalizëm dhe kur t’i mbledhë të gjitha provat, atëherë ta ngritë akuzën, e jo ta ngritë aktakuzën me gjysmë prova apo edhe me supozime. Nëse bindet se është e nevojshme t’i jepet edhe kjo mundësi, atëherë prokurorit mund t’i jepet afat edhe një vit, pra tri vite zgjatë procedura hetimore”, ka deklaruar Hasan Shala – ish-kryetar i Gjykatës së Apelit

Në një konferencë për media të mbajtur në dhjetor, ministri i Punëve të Brendshme, Xhelal Sveçla, deklaroi se pret që policia dhe prokuroria të dalin me një raport për rastin.

Ky veprim nuk i duket në rregull avokatit Shala.

Ambasadorët e Gjermanisë dhe Francës për sulmin në Banjskë: Kryerësit të sillen para drejtësisë
Lexo po ashtu Ambasadorët e Gjermanisë dhe Francës për sulmin në Banjskë: Kryerësit të sillen para drejtësisë

“Nuk është e hijshme që para se të ngritet akuza të dal prokuroria me raport. Mirë është që prokuroria të dal me akuzë, akuza do të jetë publike edhe atëherë edhe opinioni do të njoftohet. Para se të ngritet akuza nuk është mirë që të dilet publikisht me raport sepse mund të cenohet edhe hetimi”, vijoi ai.

Prokuroria nuk i është përgjigjur televizionit se në cilën fazë janë hetimet, si dhe në pyetjet që ndërlidhen me provat e dërguara jashtë vendit.

Përgjegjësinë kryesore për sulmin e ka marrë përsipër Millan Radojiçiq. Megjithatë, mungesa e bashkëpunimit mes Kosovës dhe Serbisë do ta vështirësojë dënimin e tij.

Në trend Lajme

Më shumë
Mbeti më shumë se gjysmë ore në ajër me aeroplanin e tij, Pacolli akuzon Autoritetin e Aviacionit Civil të Kosovës

Mbeti më shumë se gjysmë ore në ajër me aeroplanin e tij, Pacolli akuzon Autoritetin e Aviacionit Civil të Kosovës

Lajme
Hehir: Deklarata e Hillit, shembulli i fundit i qëndrimeve të tija pro-serbe

Hehir: Deklarata e Hillit, shembulli i fundit i qëndrimeve të tija pro-serbe

Lajme
Policia bastis në dy lokacione në veri, gjenden armë

Policia bastis në dy lokacione në veri, gjenden armë

Siguri
Zharko Cvetkoviq e Marijan Radojeviq të dyshuarit për armatimin e kapur në veri, Elshani: Ata janë në kërkim për rastin Banjska

Zharko Cvetkoviq e Marijan Radojeviq të dyshuarit për armatimin e kapur në veri, Elshani: Ata janë në kërkim për rastin Banjska

Lajme
Beleri flet nga burgu pasi u zgjodh eurodeputet: Pa dashur Edi Rama ka ndihmuar duke me bërë të njohur gjithëandej

Beleri flet nga burgu pasi u zgjodh eurodeputet: Pa dashur Edi Rama ka ndihmuar duke me bërë të njohur gjithëandej

Lajme
Pacolli: E papranueshme që Edi Rama të vijë për vizitë në Kosovë dhe Kurti të mos ketë kohë për një takim

Pacolli: E papranueshme që Edi Rama të vijë për vizitë në Kosovë dhe Kurti të mos ketë kohë për një takim

Politikë
Kalo në kategori