Depresioni, ankthi, e bullizmi në shkolla – psikologia Sejdiu flet për rëndësinë e shëndetit mendor

Psikologia Antigona Qenaj Sejdiu në një Podcast për Telegrafin ka folur për rëndësinë e shëndetit mendor dhe sa i kushtojmë prioritet si shoqëri, gjersa thekson se një person që përjeton probleme të shëndetit mendor nuk ka më problem veç me veten, por këto probleme, pasoja i vuan edhe familja e rrethi.

Qenaj-Sejdiu në këtë Podcast me redaktoren Besnike Salihu Shala po ashtu ka folur për depresionin, ankthin e traumat e luftës, si manifestohen ato dhe sa ka rëndësi të kërkojmë ndihmë profesionale.

Ajo thekson se një person që nuk ndihet mirë në një mënyrë apo tjetër do ta shfaqë atë edhe përmes sjelljeve.

“Një person që përjeton probleme të shëndetit mendor nuk ka më problem veç me veten, por këto probleme, pasoja i vuan edhe familja e rrethi”, tha ajo.

Psikologia po ashtu ka treguar mënyrën se si të rrisim fëmijë me shëndet të mirë mendor, si t’i qasemi fenomenit të bullizimit te fëmijët, si ndikon negativisht gjatë rritjes së tyre.

Temë diskutimi në këtë intervistë është edhe depresioni pas lindjes, dhuna në familje, etj. /Telegrafi/