Depay: Barcelona klub i madh, do të shohim se çfarë do të ndodhë

Ylli holandez i Lyonit, Memphis Depay nuk i fshehë ambiciet e tij për t’u bashkuar me Barcelonën në afatin kalimtar të janar.

Pa kontratë në qershor, Depay është kandidati kryesor për t’u transferuar te Barcelona, e cila e donte lojtarin edhe në verë, por nuk e arriti.

Holandezi thuhet se do të nënshkruhet në janar si mbulesë për të dëmtuarin Ansu Fati, ndërsa një transferim në Camp Nou e përkrah edhe lojtari.

Lexo po ashtu Jo vetëm Barcelona, edhe tri skuadra italiane e duan Depayn në janar

Pas paraqitjes në miqësoren kundër Spanjës mbrëmë, ishte vetë Depay, i cili thuri elozhe për klubin e Barcelonës.

“Barça është një klub i madh. Ka shumë klube të tjera të mira në botë, por ky është një nga më të mëdhenjtë. Të gjithë e duan atë, por ne do të shohim se çfarë e ardhmja ka rezervuar për ne”, ka thënë fillimisht Depay për RTVE.

Lexo po ashtu Depay lë të kuptohet se do të nënshkruajë para-kontratë me Barcelonën në janar

“Nëse është e mundur që unë të bashkohem me Barça? Nuk e di. Afati i transferimeve nuk është i hapur dhe unë nuk jam i përqendruar në këtë tani, të jem i sinqertë”.

“Unë jam i përqendruar të kem paraqitje të mira dhe të përpiqem të jem një lojtar më i mirë. Ka shumë spekulime, por unë nuk jam në humor për momentin”, përfundoi sulmuesi holandez. /Telegrafi/