Zëdhënësja e Departamentit amerikan të Shtetit, Tammy Bruce, ka folur për rolin e Kinës në mbështetjen e agresionit rus, pasi u publikuan prova të qytetarëve kinezë që merrnin pjesë në luftën kundër Ukrainës.
Bruce deklaroi se SHBA kishte parë raporte për kapjen e dy shtetasve kinezë që kishin luftuar në anën e Rusisë në Ukrainë, dhe i quajti këto raporte "shqetësuese", transmeton Telegrafi.
"Kina është një nxitës i madh i Rusisë në luftën në Ukrainë. Kina siguron gati 80 për qind të artikujve me përdorim të dyfishtë që i duhen Rusisë për të mbështetur luftën. Tetëdhjetë për qind vijnë nga Kina", shtoi ajo.
Bruce përsëriti gjithashtu fjalët e presidentit të SHBA, Donald Trump, i cili kishte thënë se bashkëpunimi i mëtejshëm midis "këtyre dy fuqive bërthamore" - duke iu referuar Rusisë dhe Kinës - "vetëm do të kontribuojë më tej në paqëndrueshmërinë globale dhe do t'i bëjë Shtetet e Bashkuara dhe vendet e tjera më pak të sigurta dhe më pak të begata".
"Unë mendoj se ky është një nënvlerësim", vuri në dukje ajo. /Telegrafi/
