Demantohet lajmi, modelja Elena Lika dhe Alban Ramosaj nuk janë në lidhje (Foto)

Është përfolur gjatë ditës së sotme (e mërkurë) se këngëtari Alban Ramosaj dhe modelja Elena Lika janë në lidhje.

E gjitha kjo erdhi si pasojë e një fotografie të publikuar nga Elena në rrjetet sociale me rastin e ditëlidnjes së Albanit, ku shfaqet duke i dhuuar një përqafim atij, teksa në mbishkrimin e fotografisë ka shkruar disa rreshta dashurie.

Lexo po ashtu Alban Ramosaj zyrtarizon romancën me modelen shqiptare (Foto)

“Të kam dashur për një kohë të gjatë, por nuk kam qenë kurrë më e lumtur të kem personin e ri më të rëndësishëm në jetën time. Urime ditëlindjen arushi im ! Të dua me gjithë zemër, mëlçi, mushkri,tru, vena etj. (E din ti)”, shkruante ajo.

Nuk vonoi shumë dhe mediat këtë lajm e morën si konfirmim të lidhjes së tyre, por që gjithçka del të jetë e pavërtetë.

Burime të Telegrafit pranë protagonistëve, bëjnë të ditur se dyshja në fjalë janë vetëm miq të mirë dhe asgjë më shumë.

Lajmin për këtë gjë e ka konfirmuar edhe vet modelja Elena Lika, njëherit ish-banorja e edicionit të gjashtë të spektaklit “Big Brother Albania”, e cila ka publikuar në InstaStory, një status përmes së cilës ka shpjeguar kontekstin me të cilin i ka drejtuar fjalët “Të Dua” Albanit.

“Nëse mendoni që “Të Dua” i thuhet vetëm të dashurit, ndjej keqardhje për familjet dhe miqtë tuaj që mesa duket nuk dëgjojnë kurrë këto fjalë nga ju”, shkruan modelja në reagimin e saj.

Ndërkohë faktin se ata nuk mund të jenë në lidhje, e tregon edhe mosha, përderisa Elena është shumë vite më e madhe se Albani. /Telegrafi/