Del për të hedhur mbeturinat, vrasësi me pagesë e qëllon me revole me shurdhues – holandezja shpëton mrekullisht (Video, +16)

Një nënë nga Holanda i ka shpëtuar vdekje për një “fije floku” nga një vrasës me pagesë, i cili filloi ta qëllojë me revole me shurdhues derisa ajo po hidhte mbeturinat para shtëpisë.

39-vjeçarja kishte përgatitur mëngjesin për vajzën e saj dhe për disa sekonda kishte dalë jashtë për të hedhur mbeturinat, por kurrë nuk kishte menduar se do ta gjej veten në një situatë të palakmueshme, transmeton Telegrafi.

Kamerat e sigurisë kanë filmuar momentin, kur vrasësi me pagesë me helmetë në kokë i afrohet me revole me shurdhues. Por, edhe pse i shkrep disa plumba në drejtim të saj, vetëm një e godet në kraharor dhe arrin t’i shpëtojë vdekjes.

Gruaja e paidentifikuar ishte ndihmuar nga e bija të ndalë gjakderdhjen derisa ishte dërguar në spital për tretman.

“Vajza ime ka vepruar sikur të ishte e rritur. Ajo më lidhi këmbën me rroba për të ndalur gjakderdhjen, dhe menjëherë i telefonoi autoambulancës dhe babait të saj”, ka deklaruar ajo.

Policia ende nuk ka zbuluar motivin e kësaj tentim vrasje, edhe pse janë dhënë version të ndryshme për ngjarjen në Eindhoven. Ata i kanë publikuar pamjet edhe në media, me të vetmin qëllim që qytetarët t’ju ndihmojnë në identifikimin e sulmuesit. /Telegrafi/