Daut Haradinaj: Të shkarkohet Meha dhe të rinegociohet demarkacioni

Deputeti i AAK-së, Daut Haradinaj, edhe një herë ka bërë thirrje që të rinegociohet kufiri me Malin e Zi.

Thotë se Qeveria duhet të shkarkojë Murat Mehën dhe të rinis bisedimet zi, pasi në rast të një dështimi në Kuvendin e Kosovës, Mali i Zi do të mund të ankohej në Gjykatën e Arbitrazhit.

“E di se po përsëriten gjërat rreth demarkacionit dhe qëndrimit të fundit të qeverisë se demarkacioni është ok dhe se do procedohet në Kuvend.

Tani duke qenë mëse i sigurt se Qeveria ka dështu t’i siguroj numrat në Kuvend, po mundohet ta hedhë fajin te Opozita.

Por po dua ta sqaroj një të re sipas meje dhe shpresoj që juristët e mirënjohur do ta japin kontributin e tyre .

Dështimi në Kuvendin e Kosovës i jep të drejtë Malit të Zi për tu ankuar ne Gjykatën e Arbitrazhit, e që do të thotë në start pala tjetër është në avantazh, prandaj do ishte më mirë të shkarkohet Meha dhe të formohet një trupë e re e cila e rinegocion kufirin dhe tek pastaj të vie në Kuvend.

Nuk i konvenvenon Kosovës nje demarkacion i tillë.

Deputetët treguan vetën duke e kundërshtuar këtë demarkacion”, ka shkruar Haradinaj në profilin e tij në Facebook.