Sport Futboll Ndërkombëtare

Dashuria e madhe për kombin – Mane donte të nënshkruante ‘kontratën e vdekjes’ vetëm që të luante për Senegalin

Para 3 vitesh

Sulmuesi Sadio Mane ka zbuluar se gjatë Kupës së Kombeve të Afrikës, ai doli vullnetar për të nënshkruar një kontratë për të marrë përgjegjësinë nëse vdiste.

Mane pësoi një dëmtim në kokë pasi u përplas me portierin e Cape Verde, Vozinha në ndeshjen e 1/8-tës, ku si pasojë e përplasjes ylli senegalez u zëvendësua.

Senegali fitoi dhe kaloi në çerekfinale, por Mane kishte dyshime pasi pësoi tronditje në ndeshjen e mëparshme dhe klubi i tij në atë kohë, Liverpool i kishte shkruar federatës së futbollit të Senegalit për të siguruar që Mane të pushohej për pesë ditë, që do të thotë se ai do të kishte humbur ndeshjen çerekfinale.

Megjithatë, Mane nuk do ta lejonte kurrë që të ndodhte. Ai ishte aq i vendosur për të luajtur sa ishte i gatshëm të rrezikonte jetën e tij.

“Kur u lëndova kundër Cape Verde dhe pata tronditje, nuk fola kurrë për këtë atë ditë”, ka thënë fillimisht Mane për Pro Direct Soccer France.

“Liverpooli bëri presion mbi federatën dhe i shkroi një letër FIFA-s se më duheshin të paktën pesë ditë pushim, që do të thoshte se do të humbisja çerekfinalet”.

“Mjeku ynë i kombëtares gjithashtu duhej t’i zbatonte këto rregulla. Kur më thanë këtë, unë thirra trajnerin dhe i thashë: “Doktori nuk do që unë të luaj, por duhet të më futësh në 11-shen startuese”.

“E thirra presidentin e federatës dhe i thashë se duhet të kemi një takim sepse duhet të luaj. Unë mund të heq dorë nga jeta ime”.

🔔 | Sadio Mane Wanted To Sign ‘Death Contract’ In Order To Play For Senegal https://t.co/VIcjSxEAQK

— SportFever (@SPORTFVR) July 7, 2022

Mane ishte gati të nënshkruante një kontratë duke thënë se nuk do të ishte faji i askujt përveç i tij nëse do të kishte vdekur në fushë. Përfundimisht, ai u shpall i aftë nga mjekët e ekipit.

“E di që nuk duhet të luaj, por le të kemi një kontratë. Do të jetë përgjegjësia ime, do të firmos. Nëse unë vdes, ata duhet të thonë se është faji im. Askush nuk ka faj. Por ata thanë ‘Sadio, nuk mund të luash’, por unë thashë ‘jo, jo, nuk bëhet fjalë’”.

“Ishte rreth orës 01:00 ose 02:00, të gjithë u kapën nga paniku dhe unë thashë: Trajner, e di që edhe ti je i frikësuar. Thjesht shkruani një letër që thotë se kam luajtur vullnetarisht në rast se vdes ose çfarëdo të ndodhë. Të gjithë ishin të tensionuar”.

“Unë nuk e firmosa letrën, por ata më në fund thanë ‘jo, jo nuk është e mundur’, por isha gati ta bëja, kështu që doktori tha ‘Mirë, le të bëjmë një skanim në mëngjes ditën e ndeshjes’”.

“Në mëngjes, ne bëmë skanimin, e dërguam në Konfederatën e Futbollit Afrikan, ata e kontrolluan me mjekun, nuk kishte asgjë, kështu që doktori tha “Mirë, mund të luani” sepse të më shihnin të nënshkruaja një letër do të ishte e komplikuar. edhe për të. Faleminderit Zotit gjithçka shkoi mirë”, përfundoi sulmuesi.

Mane vazhdoi të ishte heroi teksa shënoi penalltinë fituese në goditjen e fundit kundër Egjiptit në finalen e madhe, duke shpallur Senegalin kampion të Afrikës.

Tani, Mane do të jetë i përqendruar në sezonin e ardhshëm, pasi u transferuar te Bayern Munich dhe shpreson ta përsëris suksesin që pati me Liverpoolin. /Telegrafi/