Damat që dominuan natën e nominimeve BAFTA: Këtë herë Margot Robbie nuk zgjodhi rozën

Një zonjë me prezencën e saj prezantoi një veshje që është veçanërisht karakteristike për të

Galeria Kombëtare e Londrës ishte vendi i ceremonisë së nominimeve të BAFTA Film Awards.

Nga të ftuarit vëmendje të veçantë tërhoqën Margot Robbie dhe Rozamund Pike. E ndërsa Margo Robi ishte e mbuluar me tonalitet rozë prej muajsh, nga ajo klasike “Barbie” deri te nuancat më delikate, mbrëmja në Londër ishte koha e saj për të dominuar në të zezë.

Një fustan i zi dhe një pallto e zezë lëkure, së bashku me taka të zeza të hapura, i dhanë Margos një notë më të relaksuar, paksa të vrazhdët, e cila u pasua nga flokët e saj të lëshuar, transmeton Telegrafi.

Ndërsa, ishte Rosamund Pike që dominoi me tonet rozë.

Rozamund zgjoi fustanin romantik, delikat, transparent me doreza të gjata të zeza, një rrip dhe këpucë retro në të njëjtën nuancë. Një topuz romantik dhe një palë vathë “vintage” e bënë atë të dukej edhe më delikate.

Një buzëqeshje e gjerë tregoi se aktorja, e cila po shpreson edhe për një çmim BAFTA, po e shijonte në maksimum mbrëmjen.

E ndërsa yjet e rija po shkëlqenin, secila në mënyrën e vet, një zonjë solli me prezencën e saj sqimën që është veçanërisht karakteristike për të.

Christina Scott Thomas shkëlqeu me një pallto portokalli dhe frizurat, buzëqeshja dhe qëndrimi i saj mbartnin një elegancë që i dha mbrëmjes një magjepsje klasike. /Telegrafi/