Dakordim pa nënshkrim – gazetarët dhe analistët e huaj skeptik për takimin në Ohër ndërmjet Kurtit dhe Vuçiqit

Kosova dhe Serbia janë dakorduar sipas Bashkimit Evropian për  aneksin e zbatimit të marrëveshjes për normalizim të marrdhënieve mes dy vendeve.

Fillimisht shefi i diplomacisë evropiane, Josep Borrel kishte deklaruar se kryeministri i Kosovës, Albin Kurti dhe presidenti i Serbisë, Aleksandar Vuçiq janë pajtuar për propozimin e tyre me 27 shkurt në Bruksel e pastaj edhe për aneksin e këtij propozimi me 18 mars në Ohër.

Takimi në Ohër dhe pajtueshmëria është parë ndryshe nga shumë gazetarë e njohës të Ballkanit. Sipas tyre nuk mund të ketë marrëveshje pa nënshkrime.

“Herën e fundit ka pasur një “marrëveshje” Kosovë-Serbi, por jo aneks. Tani ka një aneks, por nuk ka nënshkrime (gjithsesi deri më tani) A është vërtet një marrëveshje? Borrell nuk mori asnjë pyetje nga gazetarët, gjë që nuk e bën më të lehtë zbulimin”, ka shkruar Andrew Gray, gazetar dhe redaktor që mbulon edhe dialogun Kosovë-Serbi në agjencinë e lajmeve Reuters.

Last time there was a Kosovo-Serbia "agreement" but no annex

Now there's an annex but no signatures (so far anyway)

Is that really a deal?

Borrell didn't take any questions from reporters, which doesn't make it easier to find out.

More soon @Reuters https://t.co/t9xv81uw3f

— Andrew Gray (@andrew_r_gray) March 18, 2023

Edhe gazetari gjerman ka komentuar për këto zhvillime.

“Ka shumë tema të rëndësishme, interesante dhe thelbësore në Ballkan për të folur apo shkruar. Cirku fluturues evropian në Ohër me Kosovën dhe Serbinë nuk është njëri prej tyre”, ka komentuar gazetari gjerman i “Frankurter Algemeine Zeitung”, Michael Martens.

There are a lot of important, interesting & substantial topics in the Balkans to talk or write about. The European flying circus in Ohrid featuring Kosovo and Serbia is not one of them. https://t.co/6EqixYiq5y

— Michael Martens (@Andric1961) March 19, 2023

Gjitahshtu profesori i Universitetit të Grazit dhe eksperti i çështjeve të Ballkanit, Florian Bieber ka deklaruar se BE-së po i duhet sukses më shumë se kushdo tjetër.

“Një marrëveshje tjetër pa angazhimin e duhur thjesht do të zgjasë status quo-në. Duket se BE-ja ka nevojë për një sukses më shumë se kushdo tjetër”, ka shkruar në Twitter.

Another agreement without proper commitment will just extend status quo. It looks the EU needs a success more than anyone else. https://t.co/yMb1yNuayY

— Florian Bieber 🇺🇦 (@fbieber) March 19, 2023

Analisti boshnjak Jasmin Mujanoviq ka shkruar se problemi themelor mes Kosovës dhe Serbisë mbetet se SHBA dhe Bashkimit Evropian duan një zgjidhje teknike për një problem politik.

Dhe problemi sipas tij është se Serbia nuk iu nënshtrua kurrë një procesi të de-Milosheviqizimit dhe se Vuçiq mbetet i lidhur me qëllimet e mentorit të tij në Kosovë, Bosnje e Hercegovinë dhe Mal të Zi.

“Nuk do të ketë kurrë një “formulë” të përshtatshme për ta bërë Vuçiqin të pranojë realitetin e sovranitetit të Kosovës ose natyrën më të gjerë të përgjegjësisë së Millosheviqit për shpërbërjen e Jugosllavisë derisa të ketë një transformim kategorik politik në shoqërinë serbe”, ka shkruar ai në Twitter.

The fundamental problem btw Kosovo-Serbia remains that the U.S. & EU want a technical solution to a political problem. And the problem is that Serbia never underwent a process of de-Milosevicization; Vucic remains wedded to his mentor’s aims in Kosovo, BiH, & Montenegro.

— Jasmin Mujanović (@JasminMuj) March 19, 2023

Ndryshe Kosova e Serbia të dielën kanë mbajtur një takim të gjatë për zbatimin e aneksit të propozimit të BE-së. Për këtë propozim palët kanë thënë se ka dakordim por nuk ka nënshkrime zyrtare.

Kryeministri i Kosovës Albin Kurti ka thënë se ka qenë pala serbe dhe presidenti i tyre Aleksandar Vuçiq i ka ikur nënshkrimit.

Mbetet të shihet se si do të shkojnë planet për zbatim edhe pse BE-ja, ShBA-ja dhe vende tjera kanë bërë thirrje që të lëvizet para me zbatim të planit. /Telegrafi./