Dafina Neziri – grimerja e parë kosovare pjesë e MTV EMA 2019, puna e saj tashmë po bën bujë edhe në botë

Dafina Neziri, tashmë emër shumë i njohur për të gjithë ne, momentalisht është njëra nga grimeret më të kërkuara në trojet shqiptare dhe jo vetëm.

Grimerja, e cila ka shkollën profesionale të ‘Make Up-it’ në Prishtinë ‘Kryolan Kosova’, tash e sa kohë është duke bërë bujë me punën e saj të mahnitshme, duke sjellë gjithnjë trendet e fundit në grim.

Marrë parasysh punën e gjatë dhe të suksesshme, ajo ka arritur të grumbullojë fansa të shumta në rrjetet sociale, të cilët ndjekin çdo aktivitetet të saj, madje së fundmi po ndiçet edhe nga shumë yje botërore, e mbi të gjitha puna e saj është komentuar edhe nga kompania e superyllit, Kylie Jenner, ‘Kylie Cosmetics’.

Se është e kërkuar gjithandej, kjo u vërtetua javë më parë, ndërsa ishte e pranishme për realizimin e ‘Make Up-it’ në një event aq të rëndësishëm, siç është ‘MTV EMA’.

Lexo po ashtu Loredana takon Ronaldon dhe mbështet Dua Lipën në interpretimin e saj

E njëjta ishte prezente në evenimentin ‘MTV EMA 2019’ që u zhvillua në Sevilla të Spanjës, për të grimuar shumë artistë, e në mesin e tyre ishte edhe reperja Loredana Zefi, me të cilën bashkëpunon prej vitesh.

Me këtë rast, Neziri ishte takuar edhe me futbollistin Cristiano Ronaldo, këngëtaren Ava Max e po ashtu edhe yllin amerikan, Nicole Scherzinger.

Dafina, e cila jetoi deri në moshën 18-vjeçare në Gjermani, solli frymë të re të grimit në Kosovë.

Biondja gjithashtu është udhëheqësja e Krylon Kosova, aty ku solli edhe përvojën e saj shumëvjeçare si ‘makeup artiste’, sukseset e së cilës veç sa shkojnë e shtohen çdo ditë e më shumë. /Telegrafi/