Chievo do të përballet me një hetim në lidhje me akuzat për mashtrim me bilancet ekonomike në katër sezonet e fundit dhe rrezikon që të përjashtohet nga Seria A.
Aktualisht nuk ka një datë për vendimin final, por sot në Ligën Italiane të Futbollit, ka ardhur një kërkesë nga klubi i Crotones.
Crotone do të përfitonte drejtpërdrejtë nëse dënohet Chievo, pasi ata do të ngjiteshin në Serie A për t’i zëvendësuar.
Kjo pasi Crotone e ka mbyllur kampionatin në vendin e tretë nga fundi, në sezonin që sapo u mbyll.
Drejtuesit e Crotones kanë kërkuar që të pezullohen dy ndeshjet e para të kampionatit për Chievon, në pritje të vendimit final në lidhje me hetimin që po bëhet ndaj saj.
Kjo pasi Crotone shpreson që të vijë vendimi final brenda ditëve të para të shtatorit, klubi nga Verona të përjashtohet.
Nëse Lega Calcio merr në konsideratë kërkesën e Crotones, atëherë Cristiano Ronaldo nuk do të debutojë më 18 gusht.
Ndeshja Chievo-Juventus është hapëse e këtij kampionati që po vjen./Telegrafi/
