Cristiano Ronaldo: Ylli i Manchester Unitedit do të kërkojë të thyejë 9 rekorde pas rikthimit në Old Trafford

Cristiano Ronaldo ka bërë ‘debutimin e dytë’ me fanellën e Manchester Unitedit pas transferimit këtë verë nga Juventusi dhe tashmë ka para veten nëntë rekorde që mund t’i thyejë dhe të shkruaj edhe më shumë emrin në historinë e klubit anglez, por edhe atë të futbollit botëror.  

Ronaldo është kthyer në shtëpi këtë pasdite ndërsa Manchester United ka fituar 4-1 ndaj Neëcastle United në Old Trafford.

Ylli portugez ka shënuar dy gola në ‘debutimin e dytë’ të tij me Unitedin dhe pritjet janë të mëdha te tifozët, drejtuesit dhe stafi i trajnerëve.

Lexo po ashtu Man Utd fiton pa vështirësi ndaj Newcastle, Ronaldo debuton me dy gola

36-vjeçari u largua nga klubi në vitin 2009 si lojtari më i mirë në botë, pasi fitoi Topin e Artë gjashtë muaj më herët dhe tani kthehet si një nga lojtarët më të mëdhenj të të gjitha kohërave.

Por ai ka punë të papërfunduara në klub.

Ai mund të ketë arritur pothuajse gjithçka në futboll, por, sipas faqes Planet Football, janë nëntë rekorde që ai mund të thyejë pas rikthimit në ‘Teatrin e ëndrrave”.

Lexo po ashtu "Krenar që jam rikthyer te Man Utd", Ronaldo vjen me reagim emocional pas debutimit me dy gola

Telegrafi ua sjell më poshtë të gjitha rekordit që mund të thyejë CR7:

1.Lojtari i parë që shënon 100 gola në Angli dhe Spanjë

Ronaldo shënoi 84 gola në Ligën Premier gjatë kohës së tij të parë në Man Utd para se të shënonte 311 gola në La Liga për Real Madridin. Ka të ngjarë që ai të shënojë 16 gola në ligë këtë sezon, gjë që do ta bënte atë lojtarin e parë që arrin nga 100 gola ​​në kampionatin anglez dhe atë spanjoll.

2.Më shumë gola në një sezon të Ligës Premier

Ronaldo e theu këtë rekord në sezonin 2007/08 me 31 gola të mrekullueshëm. Sidoqoftë, Mohamed Salah e tejkaloi atë në sezonin 2017/18 me 32 gola.

Ronaldo do të jetë në kërkim të rekordit të tij dhe tashmë e ka nisur mirë me dy golat ndaj Newcastle.

3.Më shumë gola për Man Utd në një sezon

Gjatë sezonit 2007/08, numri total i golave të Ronaldos ishte 42. Kjo nuk arriti rekordin e Denis Law me 46 gola të shënuar gjatë sezonit 1963/64.

A mundet Ronaldo të bëjë më mirë?

4.Fituesi më i vjetër i ‘Këpucës së Artë’ në Ligën Premier

Ronaldo është një nga favoritët për ‘Këpucën e Artë’ këtë vit dhe, nëse e fiton atë, ai do të bëhet lojtari më i vjetër që ka fituar këtë çmim, duke mposhtur Jamie Vardy që e fitoi atë me Leicester Cityn në moshën 33-vjeçare.

5.Golashënuesi më i vjetër që shënon het-trik në Ligën Premier

Ronaldo arriti vetëm një het-trik gjatë periudhës së tij të parë në United.

Ai do të duhet të presë deri në sezonin e ardhshëm për t’u bërë golashënuesi më i vjetër në ligë pasi Teddy Sheringham mban atë rekord në moshën 37 vjeç dhe 146 ditë.

6.Më shumë Kupa Evropiane nga një lojtar i vetëm

Ronaldo është ‘Zotëri Liga e Kampionëve’. Ai ka fituar garën elitare evropiane në pesë raste – njëra prej të cilave erdhi gjatë qëndrimit të tij të parë në Mançester.

Nëse e fiton përsëri, ai do të barazoj legjendën e Real Madridit, Paco Gento, me gjashtë trofe. Ai gjithashtu do të bëhet lojtari i parë në Ligën e Kampionëve që e fiton atë gjashtë herë.

7.Golashënuesi rekord i Man Utd në Ligën e Kampionëve

Ruud van Nistelrooy kishte një rekord mjaft të mirë në Ligën e Kampionëve për United, duke shënuar 35 gola në 43 paraqitje.

Por, ky është koncepti i Ronaldos dhe, pasi ka shënuar tashmë 15 gola për klubin, ai do të ketë nevojë për 21 gola tjerë në Ligës së Kampionëve për të mposhtur holandezin.

Ai do të tentoj shanset e tij për ta bërë këtë në dy sezonet e ardhshme…

8.Më së shumti gola të Ligës së Kampionëve në një sezon për Man Utd

Në një shënim të ngjashëm, Van Nistelrooy shënoi 12 gola në një sezon të vetëm në Ligën e Kampionëve dhe Ronaldo do të shpresojë ta mposhtë atë.

Ai një herë shënoi 17 gola gjatë sezonit 2013/14 për Real Madridin…

9.Golashënuesi rekord i Man Utd

Wayne Rooney nuk do të jetë shumë nervoz për këtë rekord. Rooney shënoi një rekord prej 253 golash, ndërsa Ronaldo është në shifrën e 118 golave – me 136 gola prapa anglezit.

Për ta thjeshtësuar, kjo i bie 34 gola çdo sezon për katër sezonet e ardhshme.

Me siguri ky rekord nuk do të mund të thyhet nga Ronaldo.

/Telegrafi/