Citroen prezanton gjeneratën e katërt të C3, kushton 14,990 euro

Citroen ka prezantuar SUS versionet e saj të C3-shit të ri, i disponueshëm me motorët standard hibrid të lehtë, gjashtë muaj pas elektrifkimit të plotë të e-C3.

Gjenerata e katërt e C3 ka marrë karakteristika stilistike të crossover-it, me çmimet që në versionin me benzinë në Francë fillojnë prej 14.990 euro, që e bën më të lirë sesa paraardhësi, transmeton Telegrafi.

Versioni bazik i Citroen C3 është i pajisur me motorin 1.2 litërsh me tre cilindra me benzinë me tubo-mbushje, që prodhon 102 kuaj-fuqi (75 kW).

Fuqia motorike bartet në rrotat e përparme përmes ndërruesit manual me gjashtë shpejtësi.

Versioni më efikas i quajtur Hybrid 100 përdor të njëjtin motor me benzinë, por që është përmirësuar me baterinë prej 48 volt dhe motorin elektrik të integruar në ndërruesin automatik me gjashtë shpejtësi.

Motori elektrik prodhon 28 kuaj-fuqi (21 kW), edhe pse vetëm 12 kuaj-fuqi mund të përdor për përshpejtim sa herë që është e nevojshme. Duhet theksuar se i njëjti sistem gjendet në modelin Jeep Avenger Hybrid që gjithashtu është pjesë e familje Stellantis.

Citroen pretendon se versioni i lehtë hibrid mund të punoj në “regjimin” elektrik deri në 50 për qind të udhëtimit në ambiente urbane, me zvogëlimin e lirimit të gazrave për 10 për qind.

Nga jashtë është vështirë të dallohet C3 nga “vëllai” i tij e-C3, pasi që modelet ndajnë të njëjtën karroceri. Dallimi i vetëm është emblema “e”.

Në brendësi gjendet tabela kontrolluese për infotainment dhe ekrani prej 10-inç në versionin më të shtrenjtë “Max”, derisa blerësit e versionit bazik “You” duhet të kënaqen me mbajtësin për telefonin e mençur. /Telegrafi/