Çitaku: S’do të ketë luftë në Kosovë, NATO është garantuese e sovranitetit të Kosovës

Kryeminsitri Albin Kurti, të hënën ka thënë për gazetën italiane “La Repubblica” se ekziston rreziku për një konflikt të ri mes Kosovës dhe Serbisë.

Ndaj këtyre deklarimeve ka reaguar ish-ambasadorja Vlora Çitaku, aktualisht nënkryetare e PDK-së.

Nëpërmjet një postimi në Facebook, Çitaku ka bërë thirrje që të mos ndillet frikë dhe panik, pasi sipas saj nuk do të ketë luftë në Kosovë.

Ajo tha se NATO është garantuese e sovranitetit të Kosovës dhe se Serbia është në dijeni se çka sjellë një konflikt i hapur me NATO-n.

Lexo po ashtu Kurti për La Repubblica: Rrezikojmë luftë, pas Serbisë qëndron Putini

“Ka pasur luftë në Kosovë para 23 vitesh. Disa prej nesh kemi qenë të rritur dhe kemi pasur mundësinë me luftuar atëherë. Ndërkohë, Serbisë sot më së shumti i konvenon status quo-ja, dhe mundësisht të flasë për stikersa dhe barrikada. Lufta konvencionale ka përfunduar. Tash betejat janë të një natyre tjetër”, ka deklaruar Çitaku.

Ndërsa, Kurti tha se “Rrezikojmë luftë. Pas Serbisë është Putini. Nuk do të thosha se rreziku është shumë i madh, sepse ne kemi edhe një kontingjent të NATO-s këtu, por sigurisht që është i lartë. Ne jemi një demokraci që kemi një autokraci në kufij”.

Ndaj deklarimeve të Kurtit ka reaguar edhe LDK.

Ai tha se Kurti flet për luftë, e jo për integrime apo investime.

Sipas tij, kyeminsitri e dëshiron krizën, e cila është në interes vetëm të Vuçiqit./Telegafi/