Një mesazh për Shqipërinë, që po përjeton orë të vështira pas tërmetit 6,4 ballë, ka ardhur edhe nga ish-kryeministri grek Aleksis Cipras.

Ish-kreu i qeverisë ka postuar një mesazh anglisht dhe shqip në faqen e tij në “Twitter”.

“Në këto orë të vështira, mendimet tona shkojnë për popullin shqiptar”, shkruan Cipras.

Sipas mediave shqiptare, Greqia ka dërguar ndërkohë ekipe të emergjencave civile në Shqipëri për të ndihmuar në këtë situatë të vështirë.

Vetë shteti helen ka përjetuar një tërmet të fuqishëm në vitin 1999, ku mbetën të vdekur 143 persona. /Telegrafi/