Cilat janë vendet të cilat ndajnë më shumë të dhëna me policinë?

Agjencitë e zbatimit të ligjit janë bërë mjaft të varura nga kërkimi i të dhënave nga kompanitë e teknologjisë gjatë dekadës së fundit. Përdorimi i informacionit nga kompanitë e teknologjisë është bërë një nga teknikat e preferuara të hetimit të policëve në mbarë botën.

Surfshark, një ofrues i shquar i VPN, së fundmi përpiloi një raport që tregon se cilat qeveri kërkojnë më së shumti të dhëna nga disa prej firmave më të mëdha të industrisë së teknologjisë – veçanërisht nga Google, Apple, Meta dhe Microsoft.

Kur bëhet fjalë për vendet që dalin në krye, Surfshark nuk po i kategorizon shkëmbyesit “më të mëdhenj” të të dhënave sipas të cilave qeveritë bënë më shumë kërkesa – përndryshe padyshim se Kina do ta kishte vendin e parë, raporton Gizmodo, përcjell Telegrafi.

Gjithashtu, vlen të përmendet fakti se Google dhe Meta kryesisht nuk operojnë në Kinë.

Në vend të kësaj, matjet e tij bazohen në numrin e llogarive që qeveritë kërkuan të dhëna në lidhje me popullsinë e përgjithshme të vendit.

Kështu, vendet që renditen si kërkuesit më të mëdhenj të të dhënave janë ato që kanë kërkuar më shumë të dhëna për 100,000 njerëz. Ja çfarë zbulojnë gjetjet e raportit. /Telegrafi/

Belgjika

Belgjika është një vend i vogël, por që ndanë një numër të lartë të të dhënave me policinë. Raporti i Surfshark tregon se gjatë periudhës kohore që ata e bënë raportin, kompanitë nga qeveria e këtij vendi morën kërkesa për të dhënat e rreth 36,683 përdoruesve të tyre, kjo shifër përkthehet në 316.72 kërkesa për 100 mijë banorë.

Portugalia

Gjatë periudhës përkatëse kohore, kompanitë morën kërkesa për të dhëna nga qeveria portugeze në lidhje me rreth 36,958 llogari përdoruesish, ose ndryshe 358.89 kërkesa për 100 mijë banorë.

Irlanda

Kompanitë në Irlandë morën kërkesa për të dhëna në lidhje me 19,648 llogari, duke arritur në një normë prej 395.56 kërkesa për 100 mijë banorë.

Franca

Kompanitë teknologjike nga qeveria franceze morën kërkesa për të dhëna në lidhje me 343,362 llogari, shifër që arrin në 532.32 kërkesa për 100 mijë banorë.

Mbretëria e Bashkuar

Nga qeveria e Mbretërisë së Bashkuar kompanitë morën kërkesa për të dhëna në lidhje me 391,835 llogari, që arrin në 583,37 kërkesa për 100 mijë banorë.

Singapori

Singapori, edhe pse një komb relativisht i vogël, është afër kryesimit të listës. Gjatë periudhës kohore të lartpërmendur, kompanitë në fjalë nga qeveria e Singaporit morën kërkesa për të dhëna në lidhje me 35,980 llogari, ose 607.13 kërkesa për 100 mijë banorë.

Gjermania

Gjatë kësaj periudhe kohore, kompanitë në fjalë nga qeveria gjermane kishin marrë rreth 540.532 kërkesa për të dhëna në lidhje me përdoruesit e tyre, që e çon numrin në 648.23 kërkesa për 100 mijë banorë.

Shtetet e Bashkuara të Amerikës

Amerika është zakonisht numër 1 në gjithçka që bën, dhe mbikëqyrja policore nuk bën përjashtim. Gjatë periudhës kohore të shqyrtuar, kompanitë nga qeveria amerikane morën mbi 2 milionë kërkesa për të dhëna, e tëra kjo përkthehet në 728,41 kërkesa për 100 mijë banorë.