Cila është situata në Bakhmut – qyteti ‘kala’ në lindje të Ukrainës

Bakhmuti ka qenë subjekt i shumë analizave që nga shpërthimi i luftës muaj më parë në këtë qytet ukrainas.

Ajo është përshkruar si një djerinë “post-apokaliptike” dhe e shkatërruar tërësisht, ndërsa mercenarët e grupit rus, Wagner vazhdojnë të përballen me mbrojtësit ukrainas.

Lexo po ashtu Këshilli i Mbrojtjes i Ukrainës: Maksimumi pesë persona në planet e dinë se kur do të fillojë kundërofensiva

Sot, situata mbetet shumë e pandryshuar, raporton skynews.

Betejat vazhduan në rrugë të enjten, me trupat ukrainase që këmbëngulin se janë gati të nisin kundërsulmin e tyre të shumëpritur kur të përmirësohet moti.

Bakhmut është një nga qytetet e fundit në rajonin e Donetskut, por mercenarët e Wagnerit po përpiqen shumë për ta futur nën kontroll.

“Betejat po vazhdojnë për Bakhmutin”, tha Andriy Yermak, këshilltar i lartë i presidentit ukrainas Volodymyr Zelensky.

Lexo po ashtu Shefi i Wagner “tërheq fjalët”, thotë se nuk ka shenja që forcat ukrainase të largohen nga Bakhmuti

“Ato janë duke u zhvilluar në rrugë, përpjekjet e armikut për të rrethuar qytetin po dështojnë. Komanda jonë kontrollon plotësisht situatën me “kështjellën” mbrojtëse”, shtoi ai.

Udhëheqësi i Wagnerit, Yevgeny Prigozhin, tha se luftimet po vazhdonin në perëndim të qytetit.

“Duhet thënë qartë se armiku nuk po shkon askund”, tha ai. /Telegrafi/