Cikalleshi shkëlqen në Kupë, dy gola fantastik me fanellën e Akhisarit
Sokol Cikalleshi është duke shkëlqyer me fanellën e skuadrës turke Akhisar.
Në ndeshjen çerekfinale të Kupës së Truqisë përballë Kasimpasas, Cikalleshi ka shënuar dy gola.
Akhisar ka triumfuar me rezultat bindës 3-1 ndaj Kasimpasas në ndeshjen e parë të Kupës.
Goli i parë për kavajasin erdhi në minutën e 41-të kur pas një harkimi nga krahu i djathtë, Cikalleshi u gjend mirë në zonë dhe shënoi me kokë për 1-0.
Me të filluar pjesa e dytë, Cikalleshi e gjeti edhe njëherë golin.
Kësaj radhe sulmuesi shqiptar u shërbye mirë nga Ceviker dhe shënoi me parabolë përballë portierit mysafir për 2-0.
Cikalleshi ka mundur ta ekzekutoj penalltinë për të shënuar për 3-0, por një gjë të tillë nuk ia mundësoi Josue që e morri përgjegjësin dhe shënoi për 3-0.
Akhisar që është fituesi aktual i Kupës së Turqisë ka marrë një epërsi të madhe nga ndeshja e parë dhe është shumë pranë kalimit në gjysmëfinale. /Telegrafi/
