Chris Brown fiton një çmim në American Music Awards, ngjall reagime të publikut

Kelly Rowland qetësoi trazirat nga audienca pasi Chris Brown ishte fituesi i një çmimi në American Music Awards të dielën (20 nëntor).

Ish-anëtarja e “Destiny’s Child” njoftoi se Brown ishte fituesi i kategorisë “Artisti më i mirë R&B”, duke treguar se 33-vjeçari nuk ishte aty për të marrë trofeun – por ajo do ta pranonte atë në emër të tij.

“Më falni, qetësohuni”. tha Rowland, 41 vjeç, mes zhurmave nga turma.

Këngëtarja e “Dilemma” e quajti Brown një “performues të jashtëzakonshëm” dhe vazhdoi të fliste për të.

“Chris, faleminderit shumë që bëtë muzikë të mrekullueshme R&B. Do ta marr këtë çmim dhe do ta sjell tek ju. Unë të dua. Urime dhe urime të gjithë të nominuarve në këtë kategori”, tha Kelly.

Përdoruesit e mediave sociale kishin ndjenja të përziera për mbrojtjen e Rowland ndaj Brown, i cili është akuzuar vazhdimisht për dhunë ndaj grave.

Ndërkohë Brown, pohoi të shtunën (19 nëntor) se ai duhej të performonte për të nderuar Michael Jackson në shfaqjen e 50-të vjetore të çmimeve.

“A e keni zeriozisht. Do të ishte performanca në AMA, por ata më anuluan për arsye të panjohura”, Brown u tha ndjekësve të tij në Instagram gjatë fundjavës, duke ndarë pamjet nga ajo që dukej të ishte një provë.

Producentët e shfaqjes ende nuk e kanë adresuar anulimin në dukje të papritur të shfaqjes.

Kantautori e ka gjetur veten nën kritika shumë herë që nga sulmi ndaj Rihannas në vitin 2009, nga akuza për goditjen e një gruaje në vitin 2021 – një hetim që më vonë u tërhoq për shkak të “provave të pamjaftueshme” – deri në padinë për drogë dhe përdhunim të një gruaje në vitin 2020.

Brown mohoi të dyja akuzat kundër tij, duke postuar në Instagram gjatë akuzës për vitin 2020, “Sa herë që po publikoj muzikë ose projekte, ‘ata’ përpiqen të tërheqin vëmendje’.

Autori i hitit “Under The Influence” gjithashtu u bë kryefjalë për grindjet e supozuara me ish të dashurën e tij, Karreuche Tran, e cila ishte një prezantuese gjatë eventit të së dielës.

Ish-çifti u takua nga viti 2010 deri në 2015, Tran pohoi në vitin 2017 se Brown e goditi me grusht në stomak dhe e shtyu poshtë një sërë shkallësh.

Aktorja më pas mori një urdhër ndalimi pesë-vjeçar ndaj ish-it të saj.

Brown mohoi akuzat e saj në atë kohë dhe tha se ajo “nuk ka nevojë për një urdhër ndalimi” dhe e akuzoi atë se po përpiqej të “promovonte diçka”. /Telegrafi/