Poezi nga: Sulejman Dërmaku

Pas kumtit mortor
Faqeve virtuale
Vërshuan fjalë pikëllimi
Zie
Dhimbjeje
U thurën madje dhe ditirambe
Për shokun, mikun, kolegun…
Që iku në amshim
Sa njerëzorë që jemi
Thashë me vete
U gatita dhe vajta
Në varrim
Të shokut, mikut, kolegut…
Nuk takova
Asnjërin nga autorët
E pikëllimit
Zisë
Dhimbjes
Faqeve virtuale
I dhashë lamtumirën e fundit
Plot mërzi
Nuk u përmbajta dot
Mërmërita në vete
Ç’hipokrizi