Chelsea vjen me ofertë, 34 milionë euro për Ramsey

Ylli nga Uellsi, Aaron Ramsey mbetet pa kontratë apo lojtarë i lirë në verën e ardhshme dhe Chelsea kanë gati rreth 34 milionë euro për transferimin e tij.

Chelsea ka emëruar para disa javësh Maurizio Sarrin trajner të ri të skuadrës dhe tani janë duke kërkuar përforcime për të përmbushur dëshirat e tij.

Njëri nga emrat më të përfolur për ta transferuar gjatë këtij afati kalimtar veror është mesfushori Ramsey.

Lexo po ashtu Chelsea monitoron Ramseyn

Rivalët e londinez të Arsenalit po përgatisin një ofertë për të rrëmbyer atë nga Emirates.

Sipas Daily Mail, Blutë kanë gati 30 milionë funte apo rreth 34 milionë euro për të nënshkruar me mesfushorin e Arsenalit.

Megjithëse Unai Emery e sheh Ramseyn si një figurë të rëndësishme në rindërtimin e Topçinjve, reprezentuesi i Uellsit ende nuk ka nënshkruar një marrëveshje të re me skuadrën nga Emirates.

Lexo po ashtu Arsenali i jep ultimatum Ramseyt, rinovo ose largohu

Kontrata e tij aktuale skadon në fund të sezonit të ardhshëm, dhe Chelsea tani janë të vendosur për të lëvizur për të dhe po përpiqen për të përfunduar një marrëveshje me çmim të prerë.

Më herët gjatë muajit është përfolur edhe për një ultimatum nga ana e drejtuesve të Arsenalit, të cilët thuhet se i kanë kërkuar rinovimin ose largimin nga klubi. /Telegrafi/