Censura ndaj medieve, Rusia harton ligjin që ndalon qasjen në Facebook, Twitter dhe Youtube

Qeveria ruse është duke hartuar një ligj të ri për të bllokuar disa nga faqet e rrjeteve sociale.

Faqet si Facebook, Twitter dhe YouTube përmenden në mënyrë specifike gjatë hartimit të këtij ligji, i cili javën e kaluar është paraqitur në debat në Dumën ruse.

Sipas Zdnet, ligjvënësit rusë thonë se që nga prilli i vitit 2020, autoritetet kishin marrë ankesa nga redaktorët e medieve vendore që kishin faqet e tyre në rrjetet e lartpërmendura.

“Mediat e tilla si Russia Today (RT), RIA Novosti, Crimea 24 u censuruan. Në total, rreth 20 akte diskriminimi u regjistruan”, thanë ligjvënësit rusë.

Të tre faqet kanë vendosur etiketa të posaçme në profilet e agjencive të lajmeve të lidhura me shtetin.

Ky ligj, planifikon t’i japë Zyrës së Prokurorit të Përgjithshëm dhe Ministrisë ruse të Punëve të Jashtme fuqinë për t’i ndaluar këto rrjete sociale.

Qëllimi i institucioneve ruse nuk është të bllokojnë Youtube, e cila është platforma më të madhe në botë për video, sepse, nëse do të donin, ata do të gjenin një mënyrë për të zbatuar ligje të tjera, tashmë ekzistuese.

Bllokimi i platformave botërore ka provuar të jetë një përvojë e keqe, pavarësisht nëse janë platforma pagese në internet.

Bllokada irriton qytetarët rusë dhe pastaj kthehet në Kremlin si një bumerang.

Deri më tani, Youtube kurrë nuk ka ndërmarrë hapa seriozë kundër medieve dhe autorëve rusë, pa marrë parasysh sa ata publikojnë lajme të rreme dhe propagandë. /RTK/