Aktorja e famshme e Hollywoodit, Catherine Zeta-Jones, foli së fundmi për Sunday Times dhe në intervistë komentoi faktin se ajo dhe bashkëshorti i saj Michael Douglas zotërojnë katër prona - dy shtëpi në New York, një në Kanada dhe një në Spanjë.
Aktorja nuk mendon se të kesh katër shtëpi është "e tepërt", duke thënë: "E di që tingëllon shumë si në stilin e jetës private dhe më pëlqen ta rrethoj veten me gjëra të bukura, por nuk është e tepërt, është shumë e rehatshme".
Aktorja tha gjithashtu se nuk ka frikë të shpenzojë para për gjëra jopraktike.
"Shkoj në të gjitha dyqanet e veshjeve ‘vintage’ në Paris. Blej gjëra që ndoshta nuk do t'i vishni kurrë, si një pelerinë të bukur, thjesht copa të shkëlqyera. Aktualisht më pëlqejnë shumë veshjet klasike të Yves Saint Laurent. Fustanet e mbrëmjes më entuziazmojnë", tha ajo.
Pastaj ajo vazhdoi për rrobat: "Për mua, xhinset janë xhinse. Të shpenzosh 200 funte për një bluzë të bardhë? Jo. Por kur bëhet fjalë për qëndisje të bukura me rruaza, art... unë e dua modën”.
Zeta-Jones bëri shaka gjithashtu se si ajo dhe bashkëshorti i saj Michael Douglas i mbajnë çmimet Oscar në shtëpi të ndara.
Ajo theksoi gjithashtu se ajo dhe bashkëshorti i saj respektojnë hapësirën e njëri-tjetrit.
"Ne nuk dëgjojmë budallallëqe që shkruhen për ne, kjo është gjëja më e rëndësishme dhe ne e respektojmë hapësirën tonë, ne jemi shpirtra të pavarur”. /Telegrafi/
