Mesfushori i Manchester United, Casemiro ka habitur me zgjedhjen e tij për fituesin e Topit të Artë 2025, duke lënë mënjanë rivalitetin historik me Liverpoolin dhe duke përmendur emrin e Mohamed Salahut.
“Për mua është shumë e vështirë. Por në këtë moment, sipas mendimit tim, është Salah. Ai është lojtari më i mirë për shkak të ndikimit të tij në lojë,” tha braziliani për “British GQ”.
Casemiro vlerësoi lartë aftësitë vendimtare të egjiptianit.
Mohamed Salah
“Shënon shumë, asiston shumë. Mendoj se Liverpooli nuk e fitoi këtë trofe, si për shembull Liga e Kampionëve, sepse Salah ra pak në pjesën e dytë të sezonit. Por për mua, lojtari më i balancuar gjatë gjithë sezonit është ai”.
Deklarata e tij është pritur me shumë interes, duke qenë se Casemiro është simbol i United, ndërsa Salah një nga ikonat e rivalit të përjetshëm Liverpool.
Megjithatë, ky vlerësim e forcon edhe më shumë pozitën e sulmuesit afrikan si një nga kandidatët kryesorë për çmimin më prestigjioz individual në futboll./Telegrafi/
