Fabio Capello pretendon se është vështirë të besohet që Milani mund të marrë një fitore ndaj Interit në ndeshjen e parë gjysmëfinale të Kupës së Italisë, por ka insistuar se derbitë gjithmonë funksionojnë sipas logjikës së tyre.
Ish-trajneri i Real Madridit ka përmendur gjithashtu se motivimi mund të bëjë dallimin në ‘Derby della Madonnina’ pasi sezoni i Milanit ka përfunduar praktikisht pas humbjes së pësuar ndaj Napolit me rezultat 2-1, andaj Kupa e Italisë është rruga e tyre e vetme për të siguruar futbollin evropian sezonin e ardhshëm.
“Sezoni i Milanit mori fund praktikisht me humbjen e tyre ndaj Napolit. Për Conceiçaon dhe ekipin e tij, ju mund të thoni se Kupa e Italisë është tani mënyra e vetme për të siguruar kualifikimin në Evropë”.
“Të mos e shohim Milanit në garat evropiane sezonin e ardhshëm do të ishte shumë e dhimbshme”.
Capello ishte i impresionuar veçanërisht me 45 minutat e para të Interit në ndeshjen ndaj Udineses.
“Ata janë një ekip mjaft solid, i kujdesshëm dhe i vështirë për t’u ndalur nëse kapin ritmin”.
“Në letër, është e vështirë ta besojmë (se Milani do të fitojë) pasi pamë pjesën e parë të Interit ndaj Udineses dhe pjesën e parë të Milanit ndaj Napolit”.
“Nëse të dv ekipet përsërisin 45 minutat nga ndeshjet e djeshme, e shoh të vështirë të shohim një ndeshje”.
“Por sërish, derbitë janë unikë. Edhe në tri takimet e fundit, Milani u shfaq në disa momente të veçanta dhe nuk ishin ekipi favorit për të fituar”.
“Nëse Milani tregon të njëjtën brishtësi si ndaj Napolit, ata do të luftojnë për të përballuar presionin".
"Interi do të kundërsulmojë shpejt dhe në mënyrë efektive, pothuajse instinktivisht. Lojtarët e dinë se çfarë të bëjnë, dhe trajneri ka idetë e tij. Milani, me Conceiçao, nuk duket se kanë të njëjtën gjë”, ka thënë Capello./Telegrafi/
