LAJMI I FUNDIT:

Bursat evropiane nën presion para takimit të Rezervës Federale

Bursat evropiane nën presion para takimit të Rezervës Federale

Tregjet evropiane të aksioneve janë hapur me ndryshime të vogla, si një reagim ndaj procesverbalit të takimit të muajit nëntor të Rezervës Federale.

Politikëbërësit e Bankës Qendrore të Shteteve të Bashkuara të Amerikës kanë shprehur besimin e tyre se rritja agresive e interesave është e mjaftueshme për të ngadalësuar inflacionin.

Indeksi pan-Europian Stoxx600 po qëndron në rritje të lehtë me 0.1 për qind, ndërsa sektori i automjeteve po qëndron në rritje me 0.5 për qind.

Investitorët evropianë kanë reaguar ndaj të dhënave të publikuara në Eurozonë, ku rezultoi se indeksi PMI për nëntorin u ngadalësua ndjeshëm dhe sugjeron se blloku me 19 anëtarë ka hyrë në recesion.

Edhe tregjet në rajonin e Azi-Paqësorit kanë publikuar fitime modeste. Investitorët po presin edhe të dhënat mbi besimin konsumator në Eurozonë për muajin nëntor, që publikohen më vonë gjatë ditës së sotme. /Telegrafi/