Bullgarët parapëlqejnë Serbinë dhe Maqedoninë, para Shqipërisë e Kosovës, për anëtarësim në BE

Bullgarët e mbështetin integrimin e shteteve të Ballkanit Perëndimor (BP) në Bashkimin Evropian (BE) dhe mendojnë se vendi i tyre ka interesim që këto vende të jenë pjesë e familjes evropiane.

Kështu thonë rezultatet e hulumtimit të qendrës “Trend”, me kërkesë të “24 orë”, përcjell Telegrafi Maqedoni.

60% e bullgarëve e mbështetin anëtarësimin e BP-së në BE, kurse 16% janë kundër, ndërsa rreth një e katërta nuk kanë përgjigje.

Mbështetje më të madhe ofrohet për Maqedoninë dhe Serbinë, respektivisht 70% dhe 67%, dhe se kjo mbështetje vjen si rezultat i rrënjëve të përbashkëta në aspekt kulturor dhe religjioz.

Më pak mbështetje ka Shqipëria dhe Kosova, respektivisht 45% dhe 42%. Kjo përqindje është më e madhe ndaj mendimit që mos të anëtarësohen në BE, përcjell Telegrafi Maqedoni.

52% e bullgarëve thonë se anëtarësimi i BP-së pozitivisht do të shprehet ndaj Bullgarisë. 43% e bullgarëve thonë se BP-ja do të anëtarësohet në BE, në dhjetë vitet e ardhshme, kurse 18% mendojnë ndryshe. 58% e bullgarëve thonë se shteti i tyre duhet ta ndihmojë rajonin në fjalë që të anëtarësohet në BE, ndërsa 42% mendojnë se Bullgaria nuk ka kapacitet të ofroj gjë.

Anketa është realizuar nga 2 e deri më 10 maj, dhe janë përfshirë 1009 anketime të moshës mbi 18 vjeçare./Telegrafi/