Brenda shtëpisë që duket si një çizme gjigante (Foto)

Dan Phillips nga Teksasi i Shteteve të Bashkuara, e ka ndërtuar një shtëpi që duket si një çizme gjigante kauboji.

Objekti unik dhe i çuditshëm që ka dy dhoma gjumi dhe një banjë, është skicuar dhe punuar nga vet artisti, transmeton Telegrafi.

Inspirimin për këtë objekt që është i ngjitur me një shtëpi të vogël, ai e ka marrë nga vjersha e fëmijëve “Plaka që jetonte në këpucë”.

“Si fëmijë, kam qenë shumë i fascinuar nga objektet që përmendeshin nëpër përralla dhe vjersha, të cilat përmbajnë shumë fantazi. Jeta pa fantazi është e kotë”, ka thënë Phillips.

Shtëpia që mund të merret me qira për më shumë se njëmijë euro në muaj, ka shkallë spirale që të nxjerrin në një tarracë që ndodhet lartë.

Sidoqoftë, po që se dikush nuk dëshiron të qëndrojë në këtë objekt të çuditshëm, afër është një shtëpi e zakonshme dhe shumë tradicionale. Kjo pjesë vjen me banje, kuzhinë, dy dhoma gjumi dhe përgjithësisht 66 metra katrorë hapësirë.

Për ndërtimin e objektit, është përdorur material i riciklueshëm, përfshirë drurin e tapës, korniza të pikturave të vjetra, si dhe CD të hedhura.

Në secilin projekt, ai angazhon ndërtues të papërvojë, në mënyrë që t’ju japë eksperiencë dhe të mësohen të punojnë vet.

Pasi kjo çizme të jetë kryer, planifikohet që në afërsi të ndërtohet edhe një kapele kauboji. /Telegrafi/