Brekët menstruale, gjithnjë e më të popullarizuara

Periudha menstruale është pjesë e jetës së çdo gruaje dhe sot ka shumë produkte që i bëjnë “ato ditë të muajit” më pak të dhimbshme dhe më të këndshme për t’u duruar.

Një prej tyre, për të cilën është folur shumë kohëve të fundit, janë brekët menstruale. Të ashtuquajturat brekë menstruale ose periodike janë simbol i “revolucionit të higjienës” te zonjat për shkak të konceptit të tyre inovativ.

Ato duken si të brendshme të zakonshme, por në pjesën e bigës janë të përforcuara me disa shtresa pëlhure që thithin lëngun dhe mbron nga rrjedhjet, që do të thotë se ato kanë funksionin e produkteve higjienike – tamponëve ose jastëkëve.

Ky produkt karakterizohet nga fakti se shtroja tashmë është e integruar brenda tyre dhe derisa ofrojnë një ndjenjë tharjeje, në të njëjtën kohë përpiqen të ndihmojnë lëkurën të marrë frymë.

Megjithatë, një nga avantazhet më të mëdha të brekëve menstruale është se ato janë të destinuara për t’u ripërdorur. Janë rezistente dhe lahen, ndërsa me mirëmbajtje adekuate mund të zgjasin deri në disa vjet.

Edhe pse ky produkt ka vite që ekziston, vetëm në vitet e fundit është bërë gjithnjë e më i popullarizuar. Derisa disa femra janë entuziaste për këto brekë, duket se ka edhe prej atyre që nuk janë të kënaqura me atë që ofrojnë. Disa zonja kanë ndarë publikisht përvojat e tyre dhe skepticizmi është më i dukshëm në çështjen e higjienës, si dhe te femrat me gjakderdhje më të madhe. /Telegrafi/