Sa herë lexoj fjalë të urta të popujve të botës, gjithmonë, sikur e përjeton për herë të parë, më mahnit një zbulim: Të gjithë popujt e botës janë të mençur! Përgatiti: Dush Gashi
- Vetëm pasi të jetë tharë edhe druri i fundit, pasi të helmohet edhe lumi i fundit dhe të kapet peshku i fundit, atëherë do të kuptojmë se paraja nuk hahet. (indiane)
- Mësohu të dëgjosh, mundësia rrallëherë troket. (ukrainase)
- Askush nuk jep shembull më të mirë se buburreci, por ai asgjë nuk flet. (angleze)
- Katër gjëra nuk mund të kthehen prapa: fjala e thënë, shigjeta e hedhur, jeta e kaluar dhe rasti i humbur. (arabe)
- Besimi është bimë që rritet ngadalë. (gjermane)
- Mjaltin nga kosherja duhet marrë ashtu që edhe bletëve t'u mbetet diçka. (daneze)
- Para se të heqësh dorë, provo edhe njëherë. (kineze)
- Mes premtimeve dhe përmbushjes, grisen shumë rroba dhe këpucë. (holandeze)
- Dy gjëra duhet të ketë një person për të pasur sukses në jetë. E para është fati: kur një personi i jepet një mundësi e mirë. Tjetra është mençuria: ajo ia mundëson personit të përfitojë nga rasti i mirë. (argjentinase)
- Pika nuk e shpon gurin duke rënë me fuqi, por shpesh. (latine)
- Më mirë të qash me të mençurin, se të këndosh me të marrin. (sllovene)
- Njeriu tepër i mirë për botën, shpesh nuk është i mirë për familjen e tij. (ebreje)
- Rrena e vogël e tërheq të madhen. (ruse)
- Lërjani atij atë që do, sepse nëse i thoni të lërë atë që do, ai përsëri do të dojë atë që do, dhe do t'ju urrejë. (afrikane)
- Nëse lavdëroni Zotin nuk keni asgjë për të humbur, nëse e qortoni nuk keni asgjë për të fituar. (bullgare)
- Mos blini kastravecët e parë dhe thashethemet e para, sepse çmimi i tyre do të bjerë shpejt. (gjeorgjiase)
- Malli i keq kurrë nuk është i lirë. (franceze)
- Më duaj atëherë kur më së paku e meritoj, sepse atëherë dashuria më duhet më së shumti. (suedeze)
- Qentë le të lehin, karvani të shkojë përpara. (shqipe)
