Historiani, Noel Malcolm që e shkroi librin ‘Kosova, një histori e shkurtër’, e cila u botua në vitin 1998, akuzohej se ky libër ishte arsyeja se pse NATO e bombardoi Serbinë.
Por Macolm në një dokumentar të realizuar nga diplomati shqiptar, Mal Berisha, 25 vjet pas botimit të këtij libri, thotë se nuk ndihet fajtor për bombardimet e NATO-s.
“Një libër historie është libër historie. Nuk është një lloj dokumenti politikash për konfliktet. Nuk ndihem fajtor për ato bombardime. Ka pasur simpatizues serb në të ‘90-at që kanë vendosur stikera me paralajmërimin “ky libër inkurajon fushatën e bombardimeve të NATO-s”, Noel Malcolm, autor i librit ‘Kosova, një histori e shkurtër”, ka thënë Malcolm në dokumentar.
Ky dokumentar u shfaq para disa ditësh në bibliotekën Kombëtare të Kosovës ku ishte prezent edhe vet historiani Noel Malcolm.
Historiani Malcolm thotë se sapo mbaroi së shkruari Historinë e Bosnjës, ia dha detyrë vetës të shkruante edhe për Historinë e Kosovës, që iu deshën tre vjet.
“Kam kaluar tre vjet, kam shkuar në shumë arkiva, si në Vatikan, Venecia, Vjenë, Paris etj. Dhe mendoj se është një libër më i plotë dhe më shkencor. Atë libër e kam botuar në vitin 1998, i cili ishte padyshim para luftës në Kosovë. Përsëri, më pëlqen të mendoj se ky kishte një efekt te politikëbërësit perëndimorë kur më në fund shpërtheu lufta në Kosovë, dhe ndoshta dua të them, se ata e kuptuan gjithsesi se kishin bërë gabime të tmerrshme në Bosnjë, në fillim të viteve 1990. Disa nga ato gabime nuk u përsëritën në rastin e Kosovës”, thotë Malcolm
“Unë do të doja të kërkoja një meritë të vogël për heqjen e disa supozimeve të rreme, që mund të kishin kufizuar politikën perëndimore, ose mund ta kishin dërguar atë në një drejtim tjetër. Dhe siç e them, kjo është ajo çfarë u përpoqa të bëja në rastin e Bosnjës”, shton ai.
Malcolm ka thënë se në këtë libër është përpjekur të analizojë se se çfarë është e vërtetë dhe çfarë është e rreme në pretendimet e ndryshme të paraqitura.
“Ka pasur pretendime të ekzagjeruara historikisht edhe nga shqiptarët, dhe kur mendoj se ka ekzagjerime, edhe këtë e them në libër. Kjo është detyra ime si historian. Por është e vërtetë se shumica e pretendimeve të ekzagjeruara kanë ardhur nga historia serbe. Është gjithashtu e vërtetë se shumica e shkrimeve historike vijnë nga Serbia”, shton tutje ai
Ndryshe ky dokumentar është realizuar si shenjë mirënjohjeje për historianin, shkrimtarin, Noel Malcolm, për shkrimin e librit “Kosova, një histori e shkurtër’’, që ndikoj në çështjen e vendit.
Në librin “Kosova një histori e shkurtër’’, autori e paraqet një pasqyrim objektiv të Kosovës gjatë luftës me Serbinë.
Historia e Kosovës që nga periudha e pushtimit romak e deri në ditët e sotme është në fokus të “Kosova: një histori e shkurtër” të historianit anglez Noel Malcolm.
Kjo është edhe vepra që e cilësoi atë si më të mirin e autorëve të huaj në konkursin e albanologjisë.
Dr. Malcolm trajton me objektivitet ngjarjet historike dhe rivlerëson të vërtetën historike të deformuar nga mitet dhe trajtimi tendencioz i historiografisë serbe./Kallxo
Lufta Prigozhin - Putin
Më shumëTension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
“Ju kemi njohur para lufte...ju njohim edhe tash”, Haxhiu, opozitës: Milionerë nuk ishit, jeni bërë vetëm duke qenë në qeveri
Vrasja e Liridona Ademajt - edhe dy muaj paraburgim për Naim Murselin dhe dy të tjerët, i dyshuari i katërt mbrohet në liri
Siljanovska: Nuk do t'i largojë tabelat Maqedonia e Veriut, dhe do ta përdor vetëm Maqedonia
Murati i përgjigjet opozitës: Në raportin e DASH-it ka përgjysmim të korrupsionit me këtë Qeveri
Britania e Madhe kërkon t’i kushtohet më shumë vëmendje rreziqeve të konfliktit në Ballkan
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit